Friday, 12 July, 2024

Hanuman reach Lanka

118 Views
Share :
Hanuman reach Lanka

Hanuman reach Lanka

118 Views

हनुमानजी लंका पहूँचे

निसिचरि एक सिंधु महुँ रहई ॥ करि माया नभु के खग गहई ॥
जीव जंतु जे गगन उड़ाहीं  । जल बिलोकि तिन्ह कै परिछाहीं ॥१॥

Nisichari ek sindhu mahu rahai Kari maaya nabhu ke khag gahai ।
Jeev jantu je gagan udaahi Jal biloki tinh kai parichhahi ॥

गहइ छाहँ सक सो न उड़ाई  । एहि बिधि सदा गगनचर खाई ॥
सोइ छल हनूमान कहँ कीन्हा  । तासु कपटु कपि तुरतहिं चीन्हा ॥२॥

Gahai chhah sak so na udaai Ehi bidhi sada gaganchar khaai ।
Soi chhal Hanumaan kah keenha Taasu kapatu kapi turatahi cheena ॥

ताहि मारि मारुतसुत बीरा  । बारिधि पार गयउ मतिधीरा ॥
तहाँ जाइ देखी बन सोभा  । गुंजत चंचरीक मधु लोभा ॥३॥

Taahi maari maarut sut beera Baaridhi paar gayau matidheera ।
Taha jaai dekhi ban sobha Gunjat chanchareek madhu lobha ॥

नाना तरु फल फूल सुहाए  । खग मृग बृंद देखि मन भाए ॥
सैल बिसाल देखि एक आगें  । ता पर धाइ चढ़ेउ भय त्यागें ॥४॥

Naana taru phal phool suhaae Khag mrug brund dekhi man bhaae ।
Sail bisaal dekhi ek aage Taa par dhaai chadheu bhay tyaage ॥

उमा न कछु कपि कै अधिकाई ॥ प्रभु प्रताप जो कालहि खाई ॥
गिरि पर चढ़ि लंका तेहि देखी  । कहि न जाइ अति दुर्ग बिसेषी ॥५॥

Uma na kachhu kapi kai adhikaai Prabhu prataap jo kaalahi khaai ।
Giri par chadhi Lanka tehi dekhi Kahi na jaai ati durg biseshi ॥

अति उतंग जलनिधि चहु पासा  । कनक कोटि कर परम प्रकासा ॥६॥

Ati utang jalanidhi chahu paasa Kanak kot kar param prakaasa ।

(छंद)
कनक कोटि बिचित्र मणि कृत सुंदरायतना घना  ।
चउहट्ट हट्ट सुबट्ट बीथीं चारु पुर बहुबिधि बना ॥
गज बाजि खच्चर निकर पदचर रथ बरूथन्हि को गनै  ।
बहुरूप निसिचर जूथ अतिबल सेन बरनत नहिं बनै ॥

Kanak kot bichitra mani Krut sundaraayatana Ghana ।
Chauhatt hatt subatt beethee Chaaru pur bahu bidhi bana ॥
Gaj baaji khachchar nikar Padchar rath baroothanhi ko ganai ।
Bahuroop nisichar jooth atibal Sen baranat nahin banai ॥1॥

बन बाग उपबन बाटिका सर कूप बापीं सोहहीं  ।
नर नाग सुर गंधर्व कन्या रूप मुनि मन मोहहीं ॥
कहुँ माल देह बिसाल सैल समान अतिबल गर्जहीं  ।
नाना अखारेन्ह भिरहिं बहुबिधि एक एकन्ह तर्जहीं ॥

Ban bag ujpaban baatika Sar koop baapee sohahi ।
Nar naag sur gandharb kanya Roop muni man mohahee ॥
Kahu maal deh bisaal sail Samaan atibal garjahi ।
Naana akhaarenh bhirhi bahubidhi Ek ekanh tarjahee ॥ 2॥

करि जतन भट कोटिन्ह बिकट तन नगर चहुँ दिसि रच्छहीं  ।
कहुँ महिष मानुष धेनु खर अज खल निसाचर भच्छहीं ॥
एहि लागि तुलसीदास इन्ह की कथा कछु एक है कही  ।
रघुबीर सर तीरथ सरीरन्हि त्यागि गति पैहहिं सही ॥

Kari jatan bhat kotinh bikat Tan nagar chahu disi rachchhahee ।
Kahu mahish maanush dhenu khar Ajakhal nishaachar bhachchhahi ॥
Ehi laagi Tulasidaas inh kee Katha kachhu ek hai kahee ।
Raghubeer sar teerath sareeranhi Tyaagi gati paihahi sahee ॥

(दोहा)
पुर रखवारे देखि बहु कपि मन कीन्ह बिचार  ।
अति लघु रूप धरौं निसि नगर करौं पइसार ॥ ३ ॥

Pur rakhavaare dekhi bahu kapi man keenh bichaar।
Ati laghu roop dharau nisi nagar karau paisaar ॥

 

Share :

Leave a comment

Your email address will not be published. Required fields are marked *