गुप्तचरों ने रावण को श्रीराम का संदेश सुनाया

राम तेज बल बुधि बिपुलाई । सेष सहस सत सकहिं न गाई ॥
सक सर एक सोषि सत सागर । तव भ्रातहि पूँछेउ नय नागर ॥१॥

Raam tej bal budhi bipulaai Sesh sahas sat sakahi na gaai ।
Sak sar ek soshi sat saagar Tav bhraatahi poonchheu nay naagar ॥

तासु बचन सुनि सागर पाहीं । मागत पंथ कृपा मन माहीं ॥
सुनत बचन बिहसा दससीसा । जौं असि मति सहाय कृत कीसा ॥२॥

Taasu bachan sni saagar paahee Maagat panth krupa man maahee ।
Sunat bachan bihasa dasaseesa Jau asi mati sahaay krut keesa ॥

सहज भीरु कर बचन दृढ़ाई । सागर सन ठानी मचलाई ॥
मूढ़ मृषा का करसि बड़ाई । रिपु बल बुद्धि थाह मैं पाई ॥३॥

Sahaj bheeru kar bachan dhradhaai Saagar san thaanee machalaai ।
Moodh mrusha kaa karasi badai Ripu bal buddhi thaah mai paai ॥

सचिव सभीत बिभीषन जाकें । बिजय बिभूति कहाँ जग ताकें ॥
सुनि खल बचन दूत रिस बाढ़ी । समय बिचार पत्रिका काढ़ी ॥४॥

Sachiv sabheet Bibheeshan jaake Bijay bibhooti kahaa jag take ।
Suni khal bachan doot ris baadhee Samay bichaari patrika kaadhee ॥

रामानुज दीन्ही यह पाती । नाथ बचाइ जुड़ावहु छाती ॥
बिहसि बाम कर लीन्ही रावन । सचिव बोलि सठ लाग बचावन ॥ ५ ॥

Raamaanuj deenhee yah paatee Nath bachaai judaavahu chhatee ।
Bihasi baam kar leenhee Raavan Sachiv boli sath laag bachaavan ॥

(दोहा)
बातन्ह मनहि रिझाइ सठ जनि घालसि कुल खीस ।
राम बिरोध न उबरसि सरन बिष्नु अज ईस ॥ ५६(क) ॥

Baatanh manahi rizaai sath jani ghaalasi kul khees ।
Raam birodh na ubarasi saran bishnu aj is ॥

की तजि मान अनुज इव प्रभु पद पंकज भृंग ।
होहि कि राम सरानल खल कुल सहित पतंग ॥ ५६(ख) ॥

Kee taji maan anuj iv prabhu pad pankaj bhrung ।
Hohi ki Raam saraanal khal kul sahit patang ॥