हनुमान बंदी होकर रावण की सभा में पहूँचे

ब्रह्मबान कपि कहुँ तेहिं मारा । परतिहुँ बार कटकु संघारा ॥
तेहिं देखा कपि मुरुछित भयउ । नागपास बांधेसि लै गयउ ॥१॥

Brahmabaan kapi kahu tehi maara Paratihu baar kataku sanghaara ।
Tehi dekha kapi muruchhit bhayau Naagpaas baandhesi lai gayau ॥

जासु नाम जपि सुनहु भवानी । भव बंधन काटहिं नर ग्यानी ॥
तासु दूत कि बंध तरु आवा । प्रभु कारज लगि कपिहिं बँधावा ॥२॥

Jaasu naam japi sunahu bhavaanee Bhav bandhan kaatahi nar gyaanee ।
Taasu doot ki bandh taru aava Prabhu kaaraj lagi kapihi bandhava ॥

कपि बंधन सुनि निसिचर धाए । कौतुक लागि सभाँ सब आए ॥
दसमुख सभा दीखि कपि जाई । कहि न जाइ कछु अति प्रभुताई ॥३॥

Kapibandhan suni nisichar dhaae Kautuk laagi sabha sab aae ।
Dasamukh sabha deekhi kapi jaai Kahi na jaai kachhu ati prabhutaai ॥

कर जोरें सुर दिसिप बिनीता । भृकुटि बिलोकत सकल सभीता ॥
देखि प्रताप न कपि मन संका । जिमि अहिगन महुँ गरुड़ असंका ॥४॥

Kar jore sur disip bineeta Bhrukuti bilokat sakal sabheeta ।
Dekhi prataap na kapi man sanka Jimi ahigan mahu garud asanka ॥

(दोहा)
कपिहि बिलोकि दसानन बिहसा कहि दुर्बाद ।
सुत बध सुरति कीन्हि पुनि उपजा हृदयँ बिषाद ॥ २० ॥

Kapihi biloki dasaanan bihasa kahi durbaad ।
Sutabadh surati keenhi puni upaja hriday bishaad ॥