हनुमानजी ने रावण को अपना परिचय दिया

जानेउ मैं तुम्हारि प्रभुताई । सहसबाहु सन परी लराई ॥
समर बालि सन करि जसु पावा । सुनि कपि बचन बिहसि बिहरावा ॥१॥

Jaanau mai tumhaari prabhutaai Sahasabaahu san paree laraai ।
Samar baali san kari jasu paava Suni kapi bachan bihasi biharaava ॥

खायउँ फल प्रभु लागी भूँखा । कपि सुभाव तें तोरेउँ रूखा ॥
सब कें देह परम प्रिय स्वामी । मारहिं मोहि कुमारग गामी ॥२॥

Khayau phal prabhu laagi bhookha Kapi subhaav te toreu rookha ।
Sab ke deh param priy swaamee Maarahi mohi kumaarag gaamee ॥

जिन्ह मोहि मारा ते मैं मारे । तेहि पर बाँधेउँ तनयँ तुम्हारे ॥
मोहि न कछु बाँधे कइ लाजा । कीन्ह चहउँ निज प्रभु कर काजा ॥३॥

Jinh mohi maara te mai mare Tehi par bandheu tanay tumhaare ।
Mohi na kachhu baandhe kae laaja kinha chahau nij prabhu kar kaaja ।

बिनती करउँ जोरि कर रावन । सुनहु मान तजि मोर सिखावन ॥
देखहु तुम्ह निज कुलहि बिचारी । भ्रम तजि भजहु भगत भय हारी ॥४॥

Binati karau jori kar raavan Sunahu maan taji mor sikhaavan ॥
Dekhahu tumh nij kulahi bichaaree Bhram taji bhajahu bhagat bhay haaree ।

जाकें डर अति काल डेराई । जो सुर असुर चराचर खाई ॥
तासों बयरु कबहुँ नहिं कीजै । मोरे कहें जानकी दीजै ॥५॥

Jaake dar ati kaal deraai Jo sur asur charaachar khaai ॥
Taaso bayaru kabahu nahi keejai More kahe Jaanakee deejay ॥

(दोहा)
प्रनतपाल रघुनायक करुना सिंधु खरारि ।
गएँ सरन प्रभु राखिहैं तव अपराध बिसारि ॥ २२ ॥

Pranatapaal Raghunaayak karuna Sindhu kharaari ।
Gae saran prabhu raakhihai tav aparaadh bisaari ॥