हनुमानजी श्रीराम को मिले

जामवंत कह सुनु रघुराया । जा पर नाथ करहु तुम्ह दाया ॥
ताहि सदा सुभ कुसल निरंतर । सुर नर मुनि प्रसन्न ता ऊपर ॥१॥

Jaamvant kah sunu Raghuraaya Jaa par naath karahu tumh daaya ।
Taahi sada subh kusal nirantar Sur nar muni prasannata upar ॥

सोइ बिजई बिनई गुन सागर । तासु सुजसु त्रैलोक उजागर ॥
प्रभु कीं कृपा भयउ सब काजू । जन्म हमार सुफल भा आजू ॥२॥

Soi bijai binai gun saagar Taasu sujasu trailok ujaagar ।
Prabhu kee krupa bhayau sabu kaaju Janma hamaar safal bhaa aaju ॥

नाथ पवनसुत कीन्हि जो करनी । सहसहुँ मुख न जाइ सो बरनी ॥
पवनतनय के चरित सुहाए । जामवंत रघुपतिहि सुनाए ॥३॥

Naath pavansut keenhi jo karanee Sahasahu much na jaai so baranee ।
Pavantanay ke charit suhaae Jaamavant Raghupatihi sunaae ॥

सुनत कृपानिधि मन अति भाए । पुनि हनुमान हरषि हियँ लाए ॥
कहहु तात केहि भाँति जानकी । रहति करति रच्छा स्वप्रान की ॥४॥

Sunat krupaanidhi man ati bhaae Puni Hanumaan harashi hiy laae ।
Kahahu taat kehi bhaanti Jaanakee Rahati karati rachchha swapraan kee ॥

(दोहा)
नाम पाहरू दिवस निसि ध्यान तुम्हार कपाट ।
लोचन निज पद जंत्रित जाहिं प्रान केहिं बाट ॥ ३० ॥

Naam paaharu divas nisi dhyaan tumhaar kapaat ।
Lochan nij pad jantrit jaahi praan kehi baat ॥