हनुमानजी ने श्रीराम को सीता का संदेश दिया

चलत मोहि चूड़ामनि दीन्ही । रघुपति हृदयँ लाइ सोइ लीन्ही ॥
नाथ जुगल लोचन भरि बारी । बचन कहे कछु जनककुमारी ॥१॥

Chalat mohi choodaamani deenhee Raghupati hriday laai soi leenhee ॥
Naath jugal lochan bhari baree Bachan kahe kachhu Janakkumari ॥

अनुज समेत गहेहु प्रभु चरना । दीन बंधु प्रनतारति हरना ॥
मन क्रम बचन चरन अनुरागी । केहिं अपराध नाथ हौं त्यागी ॥२॥

Anuj samet gahehu prabhu charana Deen bandhu pranataarati harana ।
Man kram bachan charan anuraagee Kehi aparaadh naath hau tyaagee ॥

अवगुन एक मोर मैं माना । बिछुरत प्रान न कीन्ह पयाना ॥
नाथ सो नयनन्हि को अपराधा । निसरत प्रान करहिं हठि बाधा ॥३॥

Avagun ek mor mai maana Bichhurat praan na keenh payaana ।
Naath so nayananhi ko aparaadha Nisarat praan karahi hathi baadha ॥

बिरह अगिनि तनु तूल समीरा । स्वास जरइ छन माहिं सरीरा ॥
नयन स्रवहिं जलु निज हित लागी । जरैं न पाव देह बिरहागी ॥४॥

Birah agini tanu tool sameera Swaas jarai chhan maahi sareera ।
Nayan stravahi jalu nij hit laagee Jarai na paav deh birahaagee ॥

सीता कै अति बिपति बिसाला । बिनहिं कहें भलि दीनदयाला ॥५॥

Sita kai ati bipati bisaala Binahi kahe bhali deendayaala ॥

(दोहा)
निमिष निमिष करुनानिधि जाहिं कलप सम बीति ।
बेगि चलिअ प्रभु आनिअ भुज बल खल दल जीति ॥ ३१ ॥

Ninish nimish karunaanidhi jaahi kalap sam beeti ।
Begi chalia prabhu aania bhuj bal khal dal jeeti ॥