हनुमानजी ने लंका जलाई

देह बिसाल परम हरुआई । मंदिर तें मंदिर चढ़ धाई ॥
जरइ नगर भा लोग बिहाला । झपट लपट बहु कोटि कराला ॥१॥

Deh bisaal param haruaai Mandir te mandir chadh dhaai ।
Jarai nagar bha log bihaala Zapat lapat bahu koti karaala ॥

तात मातु हा सुनिअ पुकारा । एहिं अवसर को हमहि उबारा ॥
हम जो कहा यह कपि नहिं होई । बानर रूप धरें सुर कोई ॥२॥

Taat maatu haa sunia pukaara Ehi avasar ko hamahi ubaara ।
Ham jo kaha yah kapi nahi hoi Baanar roop dhare sur koi ॥

साधु अवग्या कर फलु ऐसा । जरइ नगर अनाथ कर जैसा ॥
जारा नगर निमिष एक माहीं । एक बिभीषन कर गृह नाहीं ॥३॥

Saadhu avagya kar phalu aisa Jarai nagar anaath kar jaisa ।
Jaara nagaru nimish ek maahee Ek Bibheeshan kar bruh naahee ॥

ता कर दूत अनल जेहिं सिरिजा । जरा न सो तेहि कारन गिरिजा ॥
उलटि पलटि लंका सब जारी । कूदि परा पुनि सिंधु मझारी ॥४॥

Taa kar doot anal jehi sirija Jaraa na so tehi kaaran girija ।
Ulati palati Lanka sab Jaaree Koodi para puni sindhu mazaaree ॥

(दोहा)
पूँछ बुझाइ खोइ श्रम धरि लघु रूप बहोरि ।
जनकसुता कें आगें ठाढ़ भयउ कर जोरि ॥ २६ ॥

Poonch buzaai khoi shram dhari laghu roop bahori ।
Janaksuta ke aage thaadh bhayau kar jori ॥