सीता को वापिस लौटाने की मंदोदरी ने रावण को गुजारिश की

उहाँ निसाचर रहहिं ससंका । जब तें जारि गयउ कपि लंका ॥
निज निज गृह सब करहिं बिचारा । नहिं निसिचर कुल केर उबारा ॥१॥

Uhaa nisaachar rahahi sasanka Jab te jaari gayau kapi Lanka ।
Nij nij gruh sab karahi bichaara Nahi nisichar kul ker ubaara ॥

जासु दूत बल बरनि न जाई । तेहि आएँ पुर कवन भलाई ॥
दूतिन्ह सन सुनि पुरजन बानी । मंदोदरी अधिक अकुलानी ॥२॥

Jaasu doot bal barani na jaai Tehi aae pur kavan bhalaai ।
Dutinh san suni purajan baanee Mandodaree adhik akulaanee ॥

रहसि जोरि कर पति पग लागी । बोली बचन नीति रस पागी ॥
कंत करष हरि सन परिहरहू । मोर कहा अति हित हियँ धरहू ॥३॥

Rahasi jori kar pati pag laagee Boli bachan neeti ras paagee ।
Kant karash hari san pariharahoo Mor kahaa ati hit hiy dharahoo ॥

समुझत जासु दूत कइ करनी । स्रवहिं गर्भ रजनीचर धरनी ॥
तासु नारि निज सचिव बोलाई । पठवहु कंत जो चहहु भलाई ॥४॥

Samuzat jaasu doot kai karanee Stravahi garbh rajaneechar gharanee ।
Taasu naari nij sachiv bolaai Pathavahu kant jo chahahu bhalaai ॥

तव कुल कमल बिपिन दुखदायई । सीता सीत निसा सम आई ॥
सुनहु नाथ सीता बिनु दीन्हें । हित न तुम्हार संभु अज कीन्हें ॥५॥

Tav kul kamal bipin dukhadaai Sita Sit nisa sam aai ।
Sunahu naath sita binu deenhe Hit na tumhaar sambhu aj keenhe ॥

(दोहा)
राम बान अहि गन सरिस निकर निसाचर भेक ।
जब लगि ग्रसत न तब लगि जतनु करहु तजि टेक ॥ ३६ ॥

Raam baan ahi gan saris nikar nisaachar bheka ।
Jab lagi grasat na tab lagi jatanu karahu taji tek ॥