हनुमानजी के वापिस लौटने पर वानरसेना द्वारा हर्षनाद से स्वागत

चलत महाधुनि गर्जेसि भारी । गर्भ स्रवहिं सुनि निसिचर नारी ॥
नाघि सिंधु एहि पारहि आवा । सबद किलिकिला कपिन्ह सुनावा ॥१॥

Chalat mahaadhuni garjesi bhaaree Garbh stravahi suni nisichar naaree ।
Naaghi sindhu ehi paarahi aava Sabad kilikila kapinh sunaava ॥

हरषे सब बिलोकि हनुमाना । नूतन जन्म कपिन्ह तब जाना ॥
मुख प्रसन्न तन तेज बिराजा । कीन्हेसि रामचंद्र कर काजा ॥२॥

Harashe sab biloki Hanumaana Nutan janm kapinh tab jaana ।
Mukh prasanna tan tej biraaja Keenhesi raamachandra kar kaaja ॥

मिले सकल अति भए सुखारी । तलफत मीन पाव जिमि बारी ॥
चले हरषि रघुनायक पासा । पूँछत कहत नवल इतिहासा ॥३॥

Mile sakal ati bhae sukhaaree Talafat meen paav jimi baaree ।
Chale harashi Raghunaayak paasa Poonchhat kahat naval itihaasa ॥

तब मधुबन भीतर सब आए । अंगद संमत मधु फल खाए ॥
रखवारे जब बरजन लागे मुष्टि प्रहार हनत सब भागे ॥४॥

Tab madhuban bheetar sab aae Angad sammat madhu phal khaae ।
Rakhawaare jab barajan laage Mushti prahaar hanta sab bhaage ॥

(दोहा)
जाइ पुकारे ते सब बन उजार जुबराज ।
सुन सुग्रीव हरष कपि करि आए प्रभु काज ॥ २८ ॥

Jaai pukaare te sab ban ujaar jubaraaj ।
Suni Sugreev harash kapi kari aae prabhu kaaj ॥