रावण द्वारा हनुमानजी की पूछपरछ

कह लंकेस कवन तैं कीसा । केहि कें बल घालेहि बन खीसा ॥
की धौं श्रवन सुनेहि नहिं मोही । देखउँ अति असंक सठ तोही ॥१॥

Kah Lankes kavan tai keesa Kehi ke bal ghalehi ban kheesa ।
Kee dhau Shravan sunehi nahi mohee Dekhau ati asank sath tohee ॥

मारे निसिचर केहिं अपराधा । कहु सठ तोहि न प्रान कइ बाधा ॥
सुनु रावन ब्रह्मांड निकाया । पाइ जासु बल बिरचित माया ॥२॥

Maare nisichar kehi aparaadha Kahu sath tohi na praan kai baadha ।
Sunu Raavan brahmaand nikaaya Paai jaasu bal birachati maaya ॥

जाकें बल बिरंचि हरि ईसा । पालत सृजत हरत दससीसा ॥
जा बल सीस धरत सहसानन । अंडकोस समेत गिरि कानन ॥३॥

Jaake bal biranchi hari isa Paalat srujat harat dasaseesa ।
Jaa bal sees dharat sahasaanan Andakos samet giri kaanan ॥

धरइ जो बिबिध देह सुरत्राता । तुम्ह से सठन्ह सिखावनु दाता ॥
हर कोदंड कठिन जेहिं भंजा । तेहि समेत नृप दल मद गंजा ॥४॥

Dharat jo bibidh deh suratraata Tumh se sathanh sikhaavanu data ।
Har kodand kathin jehi bhanja Tehi samet nrup dal mad ganja ॥

खर दूषन त्रिसिरा अरु बाली । बधे सकल अतुलित बलसाली ॥५॥

Khar dushan trisira aru baalee Badhe sakal atulit balasaalee ॥

(दोहा)
जाके बल लवलेस तें जितेहु चराचर झारि ।
तासु दूत मैं जा करि हरि आनेहु प्रिय नारि ॥ २१ ॥

Jaake bal lavales te jitehu charaachar zaari ।
Taasu doot mai jaa kari hari aanehu priy naari ॥