रावण ने विभीषण पर चरणप्रहार किया

बुध पुरान श्रुति संमत बानी । कही बिभीषन नीति बखानी ॥
सुनत दसानन उठा रिसाई । खल तोहि निकट मृत्य अब आई ॥१॥

Budh puraan shruti sammat baanee Kahi Bibheeshan neeti bakhanee ।
Sunat dasaanan utha risaai Khal tohi nikat mrutyu ab aai ॥

जिअसि सदा सठ मोर जिआवा । रिपु कर पच्छ मूढ़ तोहि भावा ॥
कहसि न खल अस को जग माहीं । भुज बल जाहि जिता मैं नाहीं ॥२॥

Jiasi sada sath mor jiaava Ripu kar pachchha moodh tohi bhaava ।
Kahasi na khal as ko jag maahee Bhuj bal jaahi jita mai naahee ॥

मम पुर बसि तपसिन्ह पर प्रीती । सठ मिलु जाइ तिन्हहि कहु नीती ॥
अस कहि कीन्हेसि चरन प्रहारा । अनुज गहे पद बारहिं बारा ॥३॥

Mam pur basi tapasinh par preetee Sath milu jaai tinhahi kahu neetee ।
As kahi keenhesi charan prahaara Anuj gahe pad baarahi baara ॥

उमा संत कइ इहइ बड़ाई । मंद करत जो करइ भलाई ॥
तुम्ह पितु सरिस भलेहिं मोहि मारा । रामु भजें हित नाथ तुम्हारा ॥४॥

Uma sant kai ihai badaai Mand karat jo karai bhalaai ।
Tumh pit saris bhalehi mohi maara Raamu bhaje hit naath tumhaara ॥

सचिव संग लै नभ पथ गयऊ । सबहि सुनाइ कहत अस भयऊ ॥५॥
Sachiv sang lai nabh path gayhaoo Sabahi sunaai kahat as bhayaoo ॥

(दोहा)
रामु सत्यसंकल्प प्रभु सभा कालबस तोरि ।
मैं रघुबीर सरन अब जाउँ देहु जनि खोरि ॥ ४१ ॥

Raam satyasankalp prabhu sabha kaalbas tori ।
Mai Raghubeer saran ab jaau dehu jani khori ॥