श्रीराम के बाण से भयभीत समुद्र स्वयं उपस्थित हुआ

सभय सिंधु गहि पद प्रभु केरे । छमहु नाथ सब अवगुन मेरे ॥
गगन समीर अनल जल धरनी । इन्ह कइ नाथ सहज जड़ करनी ॥१॥

Sabhay sindhu gahi pad prabu kere Chhamahu naath sab avagun mere ।
Gagan sameer anal jal dharanee Inh kai naath sahaj jad karanee ॥

तव प्रेरित मायाँ उपजाए । सृष्टि हेतु सब ग्रंथनि गाए ॥
प्रभु आयसु जेहि कहँ जस अहई । सो तेहि भाँति रहें सुख लहई ॥२॥

Tav prerit maaya upajaae Srushti hetu sab granthani gaae ।
Prabhu aayasu jehi kah jas ahai So tehi bhanti rahe sukh lahai ॥

प्रभु भल कीन्ह मोहि सिख दीन्ही । मरजादा पुनि तुम्हरी कीन्ही ॥
ढोल गँवार सूद्र पसु नारी । सकल ताड़ना के अधिकारी ॥३॥

Prabhu bhal keenh mohi sikh deenhee Marajaada puni tumharee keenhee ।
Dhol gavaar soodra pashu naaree Sakal taadana ke adhikaree ॥

प्रभु प्रताप मैं जाब सुखाई । उतरिहि कटकु न मोरि बड़ाई ॥
प्रभु अग्या अपेल श्रुति गाई । करौं सो बेगि जो तुम्हहि सोहाई ॥४॥

Prabhu prataap mai jab sukhai utarihi kataku na mori badaii
Prabhu agya apel shruti gaee karau so begi jo tumhahi sohaee

(दोहा)
सुनत बिनीत बचन अति कह कृपाल मुसुकाइ ।
जेहि बिधि उतरैं कपि कटकु तात सो कहहु उपाइ ॥ ५९ ॥

Sunat bineet bachan ati kah krupaal musukaai ।
Jehi bidhi utarai kapi kataku taat so kahahu upaai ॥