सीता को छोड दे, हनुमानजी की रावण को सलाह

राम चरन पंकज उर धरहू । लंकाँ अचल राज तुम्ह करहू ॥
रिषि पुलस्ति जसु बिमल मयंका । तेहि ससि महुँ जनि होहु कलंका ॥१॥

Raam charan Pankaj ur dharahoo Lanka achal raaju tumh karahoo ।
Rishi pulasti jasu bimal mayanka Tehi sasi mahu jani hohu kalanka ॥

राम नाम बिनु गिरा न सोहा । देखु बिचारि त्यागि मद मोहा ॥
बसन हीन नहिं सोह सुरारी । सब भूषन भूषित बर नारी ॥२॥

Raam naam binu gira na soha Dekhu bichari tyagi mad moha ।
Basan heen nahi soh suraree Sab bhushan bhushit bar naaree ॥

राम बिमुख संपति प्रभुताई । जाइ रही पाई बिनु पाई ॥
सजल मूल जिन्ह सरितन्ह नाहीं । बरषि गएँ पुनि तबहिं सुखाहीं ॥३॥

Raam bimukh sampati prabhutaai Jaai rahi paai binu paai ।
Sajal mool jinh saritanh nahi Barashi gae puni tabahi sukhahee ॥

सुनु दसकंठ कहउँ पन रोपी । बिमुख राम त्राता नहिं कोपी ॥
संकर सहस बिष्नु अज तोही । सकहिं न राखि राम कर द्रोही ॥४॥

Sunu dasakanth kahau pan ropee Bimukh Raam traata nahi kopee ।
Sankar sahas bishnu aj tohee Sakahi na raakhi raam kar drohee ॥

(दोहा)
मोहमूल बहु सूल प्रद त्यागहु तम अभिमान ।
भजहु राम रघुनायक कृपा सिंधु भगवान ॥ २३ ॥

Mohmool bahu sool prad tyagahu tam abhimaan ।
Bhajahu Raam Raghunaayak krupa sindhu Bhagawaan ॥