વા વાયા ને વાદળ ઉમટ્યા
By-Gujju28-04-2023
310 Views
![વા વાયા ને વાદળ ઉમટ્યા](https://gujjuplanet.com/app/themes/twentytwentyone-child-new/images/not-found.png)
વા વાયા ને વાદળ ઉમટ્યા
By Gujju28-04-2023
310 Views
વા વાયા ને વાદળ ઊમટ્યાં,
ગોકુળમાં ટહુક્યા મોર,
મળવા આવો સુંદીરવર શામળિયા.
તમે મળવા તે ના’વો શા માટે
નહીં આવો તો નંદજીની આણ … મળવા.
તમે ગોકુળમાં ગોધન ચોરંતા,
તમે છો રે સદાના ચોર … મળવા.
તમે કાળી તે કામળી ઓઢંતા,
તમે ભરવાડના ભાણેજ … મળવા.
તમે વ્રજમાં તે વાંસળી વાજંતા,
તમે ગોપીઓના ચિત્તના ચોર … મળવા.
મહેતા નરસિંહના સ્વામી શામળિયા,
એમને તેડી રમાડ્યા રાસ … મળવા.
– નરસિંહ મહેતા