![Vibhishan advise Ravana](https://gujjuplanet.com/app/themes/twentytwentyone-child-new/images/not-found.png)
विभीषण ने रावण को समजाया
तात राम नहिं नर भूपाला । भुवनेस्वर कालहु कर काला ॥
ब्रह्म अनामय अज भगवंता । ब्यापक अजित अनादि अनंता ॥१॥
Taat Raam nahi nar bhoopaala Bhuvaneshwar kaalahu kar kaala ।
Brahm anaamay aj bhagavanta Byapak ajit anaadi ananta ॥
गो द्विज धेनु देव हितकारी । कृपा सिंधु मानुष तनुधारी ॥
जन रंजन भंजन खल ब्राता । बेद धर्म रच्छक सुनु भ्राता ॥२॥
Go dwij dhenu dev hitakaaree Krupa sindhu manush tanudhaaree ।
Jan ranjan bhanjan khal braata Bed dharm rachchhak sunu bhrata ॥
ताहि बयरु तजि नाइअ माथा । प्रनतारति भंजन रघुनाथा ॥
देहु नाथ प्रभु कहुँ बैदेही । भजहु राम बिनु हेतु सनेही ॥३॥
Tohi bayaru taji naaia maatha Pranataarati bhanjan Raghunaatha ।
Dehu naath prabhu kahu baidehee Bhajahu Raam binu hetu sanehee ॥
सरन गएँ प्रभु ताहु न त्यागा । बिस्व द्रोह कृत अघ जेहि लागा ॥
जासु नाम त्रय ताप नसावन । सोई प्रभु प्रगट समुझु जियँ रावन ॥४॥
Saran gae prabhu taahu na tyaaga Biswa droh krut agh jehi laaga ।
Jaasu naam tray taap nasavan Soi prabhu pragat samuzu jiy Raavan ॥
(दोहा)
बार बार पद लागउँ बिनय करउँ दससीस ।
परिहरि मान मोह मद भजहु कोसलाधीस ॥ ३९(क) ॥
Baar baar pad laagau binay karau dasasees ।
Parihari maan moh mad bhajahu kosalaadhees ॥
मुनि पुलस्ति निज सिष्य सन कहि पठई यह बात ।
तुरत सो मैं प्रभु सन कही पाइ सुअवसरु तात ॥ ३९(ख) ॥
Muni pulasti nij sisya san kahi pathai yah baat ।
Turat so mai prabhu san kahee paai suavasaru taat ॥