Warm welcome for Ram at Chitrakoot
By-Gujju01-05-2023
92 Views
![Warm welcome for Ram at Chitrakoot](https://gujjuplanet.com/app/themes/twentytwentyone-child-new/images/not-found.png)
Warm welcome for Ram at Chitrakoot
By Gujju01-05-2023
92 Views
चित्रकूट में श्रीराम का स्वागत
अमर नाग किंनर दिसिपाला । चित्रकूट आए तेहि काला ॥
राम प्रनामु कीन्ह सब काहू । मुदित देव लहि लोचन लाहू ॥१॥
बरषि सुमन कह देव समाजू । नाथ सनाथ भए हम आजू ॥
करि बिनती दुख दुसह सुनाए । हरषित निज निज सदन सिधाए ॥२॥
चित्रकूट रघुनंदनु छाए । समाचार सुनि सुनि मुनि आए ॥
आवत देखि मुदित मुनिबृंदा । कीन्ह दंडवत रघुकुल चंदा ॥३॥
मुनि रघुबरहि लाइ उर लेहीं । सुफल होन हित आसिष देहीं ॥
सिय सौमित्र राम छबि देखहिं । साधन सकल सफल करि लेखहिं ॥४॥
(दोहा)
जथाजोग सनमानि प्रभु बिदा किए मुनिबृंद ।
करहि जोग जप जाग तप निज आश्रमन्हि सुछंद ॥ १३४ ॥