આજ મારા મંદિરીયામાં મ્હાલે શ્રીનાથજી
આજ મારા મંદિરીયામાં મ્હાલે શ્રીનાથજી
જો ને સખી કેવા રૂમઝુમ ચાલે શ્રીનાથજી
આજ મારા મંદિરીયામાં …

જશોદાજીના જાયાને નંદના દુલારા
મંગળાની ઝાંખી કેવી આપે શ્રીનાથજી
મંગળાની ઝાંખી કેવી આપે શ્રીનાથજી
આજ મારા મંદિરીયામાં …

ઝરકતી ઝામો પહેરી ઉભા શ્રીનાથજી
જગતના છે સાથે સાચા સુખી શ્રીનાથજી
જગતના છે સાથે સાચા સુખી શ્રીનાથજી
આજ મારા મંદિરીયામાં …

મોહનમાળા મોતીવાળી ઝરી શ્રીનાથજી
પુષ્પની માળા પર જાઉં વારી શ્રીનાથજી
પુષ્પની માળા પર જાઉં વારી શ્રીનાથજી
આજ મારા મંદિરીયામાં …

શ્રીનાથજીના પાયે ઝાંઝર શોભે શ્રીનાથજી
સ્વરૂપ દેખે મુનીવરના મન લોભે શ્રીનાથજી
સ્વરૂપ દેખે મુનીવરના મન લોભે શ્રીનાથજી
આજ મારા મંદિરીયામાં …

ભાવ ધરી ભજુ તમને બાલકૃષ્ણ લાલજી
વૈષ્ણવજનને અતિ ઘણા વ્હાલા શ્રીનાથજી
વૈષ્ણવજનને અતિ ઘણા વ્હાલા શ્રીનાથજી
આજ મારા મંદિરીયામાં …

શ્રી વલ્લભના સ્વામીને અંતરયામી
દેજો અમને વ્રજમાં વાસ શ્રીનાથજી
દેજો અમને વ્રજમાં વાસ શ્રીનાથજી
આજ મારા મંદિરીયામાં …