અંબામાતા સ્તુતિ
By-Gujju12-05-2023
274 Views
![અંબામાતા સ્તુતિ](https://gujjuplanet.com/app/themes/twentytwentyone-child-new/images/not-found.png)
અંબામાતા સ્તુતિ
By Gujju12-05-2023
274 Views
MP3 Audio
જય અંબે માત ભવાની!
ત્રિપુરા દુર્ગા હે મા કાલી! અનંત નામ અનામી … જય અંબે
પ્રેમ તમારો વરસાવી દો, વિનંતી મારી માની
દર્શનનું દો દાન નયનને, કહું ખરાં તો દાની … જય અંબે
બાલ તમારો પ્યાસી બેઠો, મિથ્યા બીજાં પાણી
પ્રેમતણું પય પાઓ મુજને, અંતરની ગત જાણી … જય અંબે
અક્ષય અમૃતનાં ઓ વાસી, બોલો અમૃતવાણી
નશો ચડાવો પ્રેમ ભક્તિનો, પ્રેમ થકી લો તાણી … જય અંબે
હૃદયમહીં ફકત તમે રાજો, ખેલો ઘટઘટ માંહી
તમારા વિના બધું ભૂલાવો, ઢોળી કૃપાનું પાણી … જય અંબે
પ્રેમે પ્રાર્થું કર બે જોડી, યાચું અન્ય ન કાંઈ
તમે જુઓ મુજને ને તમને રહું સદાય નિહાળી … જય અંબે
– શ્રી યોગેશ્વરજી