દાદા હો દિકરી
દાદા હો દિકરી
વાગડ માં ના દેજો રે સહી
વાગડ ની વઢિયાળી સાસુ દોહ્યલી રે
સય્યો કે હામ થી (२)
દાદા હો દિકરી (२)

દિએ દળાવે મને
રાતલડી સંતાવે રે સહી
પાછલડી રાતો ના પાણીડા મેકલે રે
સય્યો કે હામ થી (२)
દાદા હો દિકરી (२)
 
ઓશીકે ઈંઢોણી મારી
પાગથીયે ચીસણીયું રે સહી
સામી રે ઓસરીએ મારૂ બેડલું રે
સય્યો કે હામ થી (२)
દાદા હો દિકરી (२)

પિયુ પરદેશ મારો
પરણ્યો પરદેશ મારો
એકલડી અટુલી રે સહી
વાટલડી જોતી ને
આંસુ સારતી રે
સય્યો કે હામ થી (२)

દાદા હો દિકરી (२)

વાગડ માં ના દેજો રે સહી
વાગડ ની વઢિયાળી સાસુ દોહ્યલી રે.
સય્યો કે હામ થી (२)
દાદા હો દિકરી (२)
દાદા હો દિકરી (२)
હો… દાદા હો… દિકરી… હો… કેમ પરણાવી