ભીંજાઈ હૈયા ની ધરતી રે
શરમાયું આંખોનું આભ  
ટહુકયાં રે મનના મોરલિયા રે
આંગણિયા લીલી લીલી છાબ

કે આ મૌસમ મૌજ-એ-દરિયા
કોઇ નદી થઈ એમાં વહી જાઉં રે…

ધીમો ધીમો વરસાદ
પ્રીત દે છે કોઇ ને સાદ રે
ધીમો ધીમો વરસાદ
ભીના સપના ભીની રાતો
મેહકી ઉઠી એની યાદ રે
ધીમો ધીમો વરસાદ!

કોઇ જો પોતાનું હોય તો
દુનિયા કેવી વ્હાલી લાગે રે…
એની હારે બે મીઠી વાત રે..
બીજું કોઈ શું માંગે રે!

એના રંગો અંગે અંગે ,
અંગે અંગે  આવી રંગે !
હું ઉમંગે ઉમંગે હરખાઉ રે !

ધીમો ધીમો વરસાદ
પ્રીત દે છે કોઇ ને સાદ રે
ધીમો ધીમો વરસાદ