ઢોલ ઢમક્યા ને વરવહુના હાથ મળ્યા
વાજા વાગ્યા ને વરવહુના હાથ મળ્યા
જાણે ઈશ્વર પાર્વતી હાથ મળ્યા
જાણે બ્હ્મા બ્હ્માણી હાથ મળ્યા
ઢોલ ઢમક્યા ને વરવહુના હાથ મળ્યા

જેમ  વિષ્ણુ લક્ષ્મીજીની જોડ મળી
જેમ ઇન્દ્ર-ઇન્દ્રાણીની જોડ મળી
જેમ ચન્દ્ર ચન્દ્રાણીની જોડ મળી
એમ વર ને કન્યાની જોડ મળી
ઢોલ ઢમક્યા ને વરવહુના હાથ મળ્યા

જેમ દૂધમાં સાકર જાય ભળી
જેમ ફૂલમાં હોઈ સુવાસ ઘણી
જેમ શોભે છે લહેરો સાગરમાં
એમ વર ને કન્યા શોભે માયરામાં
ઢોલ ઢમક્યા ને વરવહુના હાથ મળ્યા
વાજા વાગ્યા ને વરવહુના હાથ મળ્યા

હૈયાં હરખ્યા ને વરવહુના હાથ મળ્યા
પ્રેમે નીરખ્યા ને વરવહુના હાથ મળ્યા
ઢોલ ઢમક્યા ને વરવહુના હાથ મળ્યા
વાજા વાગ્યા ને વરવહુના હાથ મળ્યા
ઢોલ ઢમક્યા ને વરવહુના હાથ મળ્યા