ધ્યાન ધણી કેરું ધરવું
By-Gujju05-05-2023
239 Views
![ધ્યાન ધણી કેરું ધરવું](https://gujjuplanet.com/app/themes/twentytwentyone-child-new/images/not-found.png)
ધ્યાન ધણી કેરું ધરવું
By Gujju05-05-2023
239 Views
ધ્યાન ધણી કેરું ધરવું, બીજું મારે શું કરવું રે?
શું કરવું રે સુંદરશ્યામ, બીજાને મારે શું કરવું રે ?
નિત્ય ઊઠીને અમે નાહીએ ને ધોઈએ રે,
ધ્યાન ધણીતણું ધરીએ રે;
સંસારસાગર મહાજળ ભરિયો રે વા’લા,
તારા ભરુંસે અમે તરીએ રે…બીજું.
સાધુજનને ભોજન જમાડીએ વા’લા,
જૂઠું વધે તે અમે જમીએ રે;
વૃંદા તે વનમાં રાસ રચ્યો રે વા’લા,
રાસમંડળમાં તો અમે રમીએ રે…બીજું.
હીર ને ચીર મને કામ ન આવે વા’લા,
ભગવાં પહેરીને અમે ભમીએ રે;
બાઈ મીરાં કે પ્રભુ ગિરધર નાગર,
ચરણકમળ ચિત્ત ધરીએ રે…બીજું.
– મીરાંબાઈ