ઘણીવાર ગેસની સમસ્યા લોકો માટે શરમજનક સ્થિતિનું કારણ બની શકે છે, અને જે લોકો વધુ ગેસ પેદા કરે છે, તે અજાણતા જ બીજાથી દૂર રહેવા લાગતા હોય છે. પેટમાં ગેસ હોવી સામાન્ય બાબત છે, પરંતુ જેના પાચનતંત્રમાં ખામી હોય કે જેને કબજિયાત અથવા એસીડીટી રહેતી હોય, તેમને ગેસની સમસ્યા વધુ સતાવતી હોય છે.

વધુ ગેસ સાથે તકલીફ રહેશે તો પેટમાં ભારેપણું, આફરાની સ્થિતિ, અને ક્યારેક અલ્સર કે બવાસીર જેવી સમસ્યાઓ ઊભી થાય છે. આંતરડામાં ગેસના કારણે પેટમાં દુખાવો અને ક્યારેક આ દુખાવો એટલો ઊભરે છે કે તે એપેન્ડિક્સ જેવા દુખાવામાં પણ ફેરવાઈ શકે છે.

ગૈસ્ટ્રિક સમસ્યાઓ માટે મોંઘી દવાઓ લેવાની જરૂર નથી, અને ઘણીવાર આ દવાઓથી સાઇડ ઇફેક્ટ પણ થઈ શકે છે. ઘરઘથ્થુ ઉપચાર આવા પ્રસંગોમાં વધુ અસરકારક સાબિત થાય છે.

2 મિનિટમાં જ મટાડશે ગેસ, એસીડીટી અને અપચો – અપનાવો આ આયુર્વેદિક ટિપ્સ

1. મરિચાદિ ચૂર્ણથી ગેસ અને પેટની સમસ્યાનો ઉપચાર: ઘરગથ્થુ ઉપચારમાં મરીનો ઉપયોગ ખૂબ ફાયદાકારક છે. કાળાં મરી, ચિત્રક અને સંચળ સમાન પ્રમાણમાં લઈ, બારીક ચૂર્ણ બનાવો, જેને ‘મરિચાદિ ચૂર્ણ‘ કહે છે. આ ચૂર્ણની 1/2 થી 1 ચમચી તાજી છાસ સાથે સવાર અને સાંજ લેતાં ગેસ, અપચો, કબજિયાત, અને પેટના અન્ય રોગોમાં રાહત મળે છે.

2. સંચાલિત જીવનશૈલી ગેસની તકલીફને નિયંત્રિત કરે: આપણે જો ઘી, તેલ અને મીઠાઈ ખાવાનું ઘટાડીએ અને રોજની જીવનશૈલીમાં સવાર-સાંજ ચાલવા જેવી આદતો અપનાવીએ તો ગેસની તકલીફ કાબૂમાં રહી શકે છે.

3. અજમો અને લીંબુથી ગેસના દુઃખાવામાં રાહત: રાત્રે સૂતા પહેલા અજમો સાથે ચપટી મીઠું ખાવાથી ગેસની સમસ્યામાં સુધારો થાય છે. લીંબુ પણ વાયુનાશક છે. લીંબુના રસ સાથે મૂળાના રસને મિલાવીને પીવાથી ગેસ અને પેટના દુખાવામાં રાહત મળે છે. આદુ અને લીંબુના રસ સાથે સિંધવ મિશ્રિત કરી પીવાથી ગેસ અને ઓડકાર જેવી સમસ્યાઓ દૂર થાય છે.

4. સંચળ અને મરીના ચૂર્ણથી ગેસની સમસ્યાનો ઉપાય: સંચળ, સિંધવ, મરી અને સુંઠનું ચૂર્ણ મધ સાથે લેવાથી ગેસ પેદા થતો નથી. લીંબુના ટુકડાં પર મરી, સિંધવ અને અન્ય મસાલાઓ છાંટીને તેને ગરમ કરીને રોજ સવારે ચૂસવાથી ગેસની સમસ્યા દૂર થાય છે.

5. ફુદીનો, જીરું અને અજમોના ફાયદા: ફુદીનો, જીરું અને અજમો એ તત્વો ધરાવે છે જે પાચનને મદદ કરે છે અને શરીરની સંભાળમાં સહાયક છે. જો તમને હાઈ કોલેસ્ટ્રોલ, ડાયાબિટીસ, થાઈરોઈડ, એસિડિટી, ગેસ, કે કબજિયાત જેવી સમસ્યાઓ છે, તો આ પીણું તમારે માટે ફાયદાકારક થઈ શકે છે.

6. ફુદીનાનો ઉનાળામાં મહત્ત્વ: ફુદીનો ઉનાળા માટે શ્રેષ્ઠ ગણાય છે, કારણ કે તે માત્ર સ્વાદમાં નહીં પરંતુ સ્વાસ્થ્યમાં પણ મહત્વનો ફાળો આપે છે. ફુદીનો શરદી-ખાંસી, પેટની ગડબડ, અપચો અને ડિટોક્સ જેવી અનેક સમસ્યાઓ સામે સહાય કરે છે.

7. જીરું અને અજમો પાચન માટે શ્રેષ્ઠ: જીરું માત્ર મસાલા નથી, પણ તે પાચનક્રીયાને સુધારે છે. તે કફ અને ગેસ દૂર કરવામાં મદદરૂપ છે. બીજી બાજુ, અજમો પણ પાચનમાં સરળ છે અને તે ગેસ, કફ અને એસિડિટીને ઘટાડવામાં મદદ કરે છે.

જ્યારે પેટ ફૂલેલું કે ભારે લાગે અથવા ગેસ, એસીડીટી ની સમસ્યા હોઈ ત્યારે આ પાચન પોષક પીણું બનાવવાની રીત:

• 1 ગ્લાસ પાણી લો.
• તેમાં 5-7 ફુદીનાના પાન ઉમેરો.
• થોડું જીરું અને અડધી ચમચી અજમો ઉમેરો.
• આ મિશ્રણને મધ્યમ તાપે 3 મિનિટ સુધી ઉકાળો.
• ગરમ થઈ ગયા પછી, તેને ગાળી લો.
• ધીમે ધીમે પીણું પીવો.
• આ પીણું સવારે ખાલી પેટે અથવા ભોજનના અડધા કલાક પહેલા કે પછી પી શકાય છે.
• જ્યારે પેટ ફૂલેલું કે ભારે લાગે ત્યારે પણ આ પીણું લઈ શકાય છે.

શું ત્રિફળા ચૂરણ ઉપયોગ કરી શકાય? ઘરે જ બનાવો ત્રિફળાનો પાવડર:

હા, જો તમે ગેસની સમસ્યા કે એસિડિટીથી પરેશાન છો તો ત્રિફળા ચૂરણ ખૂબ જ ફાયદાકારક છે. આયુર્વેદમાં ત્રિફળા પાવડરનું ખાસ મહત્વ છે, અને તેનો લાભ તમે ઘરે બનાવેલા પાવડરમાંથી પણ મેળવી શકો છો. ત્રિફળા પાવડર બનાવવા માટે તમારે હરડે પાવડર (એક ભાગ), બહેડા પાવડર (બે ભાગ) અને આમળા પાવડર (ત્રણ ભાગ) ભેળવવું પડશે. આ મિશ્રણ ગેસ, ઉધરસ અને એસિડિટીની સમસ્યામાં અસરકારક માનવામાં આવે છે. શિયાળામાં તો ખાસ કરીને રાત્રે સૂતા પહેલાં ગરમ પાણી સાથે ત્રિફળા પાવડર પીવાની સલાહ આપવામાં આવે છે.