हनुमानजी की विभीषण से भेंट

सुनहु पवनसुत रहनि हमारी । जिमि दसनन्हि महुँ जीभ बिचारी ॥
तात कबहुँ मोहि जानि अनाथा । करिहहिं कृपा भानुकुल नाथा ॥१॥

Sunahu pavansut rahani hamaaree Jimi dasananhi mahu jeebh bichaaree ।
Taat kabahu mohi jaani anaatha Karihahi krupa bhaanukul naatha ॥

तामस तनु कछु साधन नाहीं । प्रीति न पद सरोज मन माहीं ॥
अब मोहि भा भरोस हनुमंता । बिनु हरि कृपा मिलहिं नहिं संता ॥२॥

Taamas tanu kachu saadhan naahee Preeti na pad saroj man maahee ।
Ab mohi bha bharos Hanumanta Binu harikrupa milahi nahi santa ॥

जौं रघुबीर अनुग्रह कीन्हा । तौ तुम्ह मोहि दरसु हठि दीन्हा ॥
सुनहु बिभीषन प्रभु कै रीती । करहिं सदा सेवक पर प्रीती ॥३॥

Jau Rabhubeer anugrah keenha Tau tumh mohi darasu hathi deenha ।
Sunahu Bibheeshan prabhu kai reetee Karahi sada sevak par preetee ॥

कहहु कवन मैं परम कुलीना । कपि चंचल सबहीं बिधि हीना ॥
प्रात लेइ जो नाम हमारा । तेहि दिन ताहि न मिले अहारा ॥४॥

Kahahu kavan mai param kuleena Kapi chanchal sabahee bidhi heena ।
Praat lei jo naam hamaara Tehi din taahi na milai ahaara ॥

(दोहा)
अस मैं अधम सखा सुनु मोहू पर रघुबीर ।
कीन्ही कृपा सुमिरि गुन भरे बिलोचन नीर ॥ ७ ॥

As mai adham sakha sunu mohu par Rabhubeer ।
Keenhee krupa sumiri gun bhare bilochan neer ॥