હરી હળવે હળવે હંકારે,
મારું ગાડું ભરેલ ભારે
મેં તો લગામ દીધી હાથ હરી ને
હરી ચાહે તો પાર ઉતારે
હરી હળવે હળવે હંકારે,
મારું ગાડું ભરેલ ભારે …

કાયાની કોઠીમાં કૂડાં
કરતુંક ઘાસ ભરેલા છે
કોઈની આંતરડી બાળે એવા
અવગુણ ઉર ઉભરેલા છે
કઈ કંકરને કુસુમ કાંટાને પેટનું પાપ પોકારે
હરી હળવે હળવે હંકારે,
મારું ગાડું ભરેલ ભારે …

દેવની ડેલી દૂર નથી કાંઈ
કરણી કરેલ કઈ છે
અને વધ્યું ઘટયું કાંઈ પુણ્ય કરેલ હોય તો
પંડને કાજે દઈ દે
એ સપના જેવી મૂડી નથી જે
આવે હારે હારે
હરી હળવે હળવે હંકારે,
મારું ગાડું ભરેલ ભારે …