જમો થાળ જીવન જાઉં વારી
ધોવું કર ચરણ કરો ત્યારી
જમો થાળ જીવન જાઉં વારી

બેસો મેલીયા બાજોઠિયા ઢાળી
કટોરા કંચન ની થાળી
જળે ભરીયા ચંબુ ચોખાળી
જમો થાળ જીવન…

કરી કાઠા ઘઉંની પોળી
મેલી રત સાકર માં બોળી
કાઢ્યો રસ કેરીનો ઘોળી
જમો થાળ જીવન…

ગળીયા સાટા ઢેબર ફૂલવડી
દૂધ પાક માલ પૂવા કઢી
પૂરી પોચી થઈ છે ઘીમાં ચઢી
જમો થાળ જીવન…

અથાણાં શાક સુંદર ભાજી
લાવીછું હું તરત કરી તાજી
દહીં ભાત સાકર છે જાજી
જમો થાળ જીવન…
gujjuplanet.com

ચળું કરો લાવું હુ જળઝારી
એલચી લવિંગ સોપારી
પાન બીડી બનાવી સારી
જમો થાળ જીવન…

મુખવાસ મનગમતાં લઈ ને
પ્રસાદી થાળ તણી દઈને
ભૂમાનંદ કહે રાજી થઈને
જમો થાળ જીવન…