હા મતલબી હારે મને મહોબત લાગી
સુખી મારા સંસારમાં આગ તે લગાડી
કર્યું મારુ જીવતર તે તો ધુળ ધાણી
કોયલ વેશે કાગડો મળ્યો અમે કેમ ના જાણી

હા તને મારી રાખવા રાત દાડો જાગ્યો
હા …તને મારી રાખવા રાત દાડો જાગ્યો
જુલ્મી જમાના હામે જંગ મેં તો માંડયો
ઈરાદો તારો જાણ્યો નઇ
હા જે લોહીની નઈ એ કોઈની નઈ
હા જે લોહીની નઈ એ કોઈની નઈ

હો તને મારી રાખવા રાત દાડો જાગ્યો
જુલ્મી જમાના હામે એકલો હું બાજ્યો

હા ક્યાં ભવના વેરની તે વસુલાત વાળી
ધારી એથી નીકળી તું ડબલ ગેમ વાળી
હા તારા રૂપના રવાડે જીંદગી મેં બગાડી
ખાઈને મારુ ખુટી તારી ખુટલ ખાનદાની
હો દુનિયાથી વેર બાંધી તને મેં તો રાખી
હા દુનિયાથી વેર બાંધી તને મેં તો રાખી
તોય મારા દિલ હારે તે કેવી રમતો માંડી
મને તું હમજાણી  નઇ
હા જે લોહીની નઈ એ કોઈની નઈ
હા હા જે લોહીની નઈ એ કોઈની નઈ

હા તારા લીધે છુટ્યા મારે ગોમાંના અન્નપોણી
કરી ના પરવા મેં તો મારા પરિવારની
હો લુંટી લીધી તે તો મારી ચડતી જવાની
તારા વાદે છડી મેં કરી પરણેતર ખાખની
હો હાચુ મારુ હોનુ મારા  ઘરે હું તો ભુલ્યો
હા હાચુ મારુ હોનુ મારા  ઘરે હું તો ભુલ્યો
ભુલ થઈ ગઈ મારી હું તો ધણિયાણીને ભુલ્યો
કોઈનો રે વાળ્યો વળ્યો નઈ
હા હવે તારા જેવી મારે સાત જન્મે જોવે નઈ
તું લોહીની નઈ તો બીજા કોઈની નઈ