હે મારી કોમરુ દેશની માતા માતા મારા કોમ કરે
હો મારી જબ્બર જોરાળી માતા માતા સપના પુરા કરે

હે માના પડેલા બોલ ના ફરે
ખોટા ડુબેને હાચા તરે

હે મારી કોમરુ દેશની માતા માતા મારા કોમ કરે
હે મારી જબ્બર જોરાળી માતા માતા સપના પુરા કરે

માં તું ભડકે બાળે
કર હોકાર ખોટા ડગલે પાછો વાળ
ને ભાઈઓ ભેગી ખુંટ પડે તો
માથે હાથ રાખે ત્યાંજ

ને રહું તારી આજ બાજ
એડા દાદા કરે નાસ ભાગ
થાય આડા અવળા રસ્તા સાફ
ને ચઢું ગઢે ગઢ આપોઆપ
તારો પ્રસાદ ચાખતાંજ
ને નમાવું શીશ
તું અપાવજે જીત
તો આવે મોઢે હળવું સ્મિત
તું રાખે ઉંચા કોલર
ને પૈસા આવે ડોલર
પણ માથે ના ચઢે
ઘમંડ ચડતાંજ ઠારે
માડી કાલ થાતું આજ કરે
સપને જોયેલ હાથ ધારે
દરેક ગીત થાય હીટ જયારે એનો સ્વાદ ભળે

હે મારી કોમરુ દેશની માતા માતા મારા કોમ કરે
હે મારી જબ્બર જોરાળી માતા માતા સપના પુરા કરે

અખીલ બહ્માંડ ભાંડોદરી
દિવ્ય રૂપી શિવની શક્તિ
ભગવતી માં કમરુ દેશની માતા
એની નામ લેતાની હારે બધા કામ ફળી જાય

મોજના તોરા લાગે છે ફુટવા
ઝૂંપડા મહેલ બની જાય
જો તને અહનકાર આવે ત્યાં
તો સોનાની ખાણો કોલસા
પહાડ રાઈનો દાણો બને
ચારે લોક ભોગ બને
પણ જે માવડીને નમે
એના કુળ વધે
નિર્ધને ધન અને સાધુઓને સુદ્દી મળે

માંડી તું ગ્રહોની દશા ફેરવી નાખે
માંડી તું મને જીવથી વાલી લાગે
માંડી તું મારા કુળને હાચુ રાખે
તારા વગર મારા દાણા પાણી ક્યાંથી હાલે

હે મારી કોમરુ દેશની માતા માતા મારા કોમ કરે
હે મારી જબ્બર જોરાળી માતા માતા સપના પુરા કરે

હે સાદ પાડો તો કાને માં ધરે
હે અણધાર્યા એ કામ માં કરે
હે મારી કોમરુ દેશની …

કોણ ?
જેના સોળ નહીં સોળસો શણગાર
જેના હાથમાં તલવાર
જે વધારે કારોબાર
ખોટા કાઢે બારોબાર

બોલ પડે ભારોભાર
દોટ પકડે કાળો કાળ
વાંકો ના થવા દે વાળ
એવો મારી માનો હાથ

હોય જો માથે વાગે નઈ ઘા અને નીકાળે કામ સડસડાટ પાંખ વગરનું પારેવડું
કરવા મડે ફડફડાટ ચપટી વાગતાની હારે ઉઠાડે મડદું પળમાં પુરે પ્રાણ
કામરૂ દેશની શક્તિ કોપે તો ઉથલ પાથલ થાય બહ્માંડ

ના હાલે ખોટી નીતી એની આગળ માં બદલે વિધિના લેખ
ઉઘાડે બારણાં તોડી દેય કામોની કેદ ને દોડાવે નજર એક

હાચા મનથી કરો જો યાદ તો હામે આઈને ઉભી રેય એ
દુઃખ ના અડવા દેય હમેશા હસતો રાખે મને એ

હે મારી કોમરુ દેશની માતા માતા મારા કોમ કરે
હો મારી જબ્બર જોરાળી રે માતા માતા સપના પુરા કરે