કાજલ ભર્યા નયનના ઈશારા જાણી શક્યું ના કોઈ
વીતે છે દિવસો અમારા તમને જોઈ જોઈ
થઈને ઋત બાવરી જુમે ચારેકોર
દિલની આ લાગણીયો ખીચે તારી ઓર
મદહોશી દિલમાં છવાઈ ગઈ છે
તને જોઈ છે જયારથી અમે
આ મોસમ બદલાઈ ગઈ છે
તને જોઈ છે જયારથી અમે
આ મોસમ બદલાઈ ગઈ છે

આ દિલમાં છે અંજવાળી ચાંદનીની રાતો
કરવી આજે તમને મન મુકીને વાતો
જોઈ મને એતો શરમાતી જાય છે
લટને પાછળ કરી મીઠું મીઠું મલકાઈ છે
લાખ જલવા છે હસીનોના જગમાં
પણ તારા જેવી ના બીજી આ મલકમાં
પલ ભરમાં અમને પાગલ કરી ગઈ છે
તને જોઈ છે જયારથી અમે
આ મોસમ બદલાઈ ગઈ છે
આ મોસમ બદલાઈ ગઈ છે

પ્રેમનો આ રંગ કેવો દિલમાં છવાયો
આશીકીમાં તારા હું દિલથી ઘવાયો
હૃદયથી હૃદયથી નો છે તારો મારો નાતો
હરપળ સતાવે મને તું ને તારી વાતો
ના ઘેલું લગાડે કે ના શમણે સતાવે
એક અપ્સરા જે મને પ્રેમ શીખવાડે
નજરથી નજરને ઈશારા કરી ગઈ છે
તને જોઈ છે જયારથી અમે
આ મોસમ બદલાઈ ગઈ છે
તને જોઈ છે જયારથી અમે
આ મોસમ બદલાઈ ગઈ છે