![Monkey army reach sea shore](https://gujjuplanet.com/app/themes/twentytwentyone-child-new/images/not-found.png)
वानरसेना सागर तट पर पहूँची
प्रभु पद पंकज नावहिं सीसा । गर्जहिं भालु महाबल कीसा ॥
देखी राम सकल कपि सेना । चितइ कृपा करि राजिव नैना ॥१॥
Prabhu pad pankaj naavahi seesa Garjahi bhaalu mahaabal keesa ।
Dekhi Raam sakal kapi sena Chitai krupa kari Raajiv naina ॥
राम कृपा बल पाइ कपिंदा । भए पच्छजुत मनहुँ गिरिंदा ॥
हरषि राम तब कीन्ह पयाना । सगुन भए सुंदर सुभ नाना ॥२॥
Raam krupa bal paai kapinda Bhae pachchhajut manahu girinda ।
Harashi Raam tab keenh payaana Sagun bhae sundar subh nana ॥
जासु सकल मंगलमय कीती । तासु पयान सगुन यह नीती ॥
प्रभु पयान जाना बैदेहीं । फरकि बाम अँग जनु कहि देहीं ॥३॥
Jaasu sakal mangalamay keetee Taasu payaan sagun yah neetee ।
Prabhu payaan jaana baidehee Faraki baam ang janu kahi dehee ॥
जोइ जोइ सगुन जानकिहि होई । असगुन भयउ रावनहि सोई ॥
चला कटकु को बरनैं पारा । गर्जहिं बानर भालु अपारा ॥४॥
Joi joi sagun jaanakihi hoi Asagun bhayau Raavanahi soi ।
Chala kataku ko baranai paara Garjahi baanar bhaalu apaara ॥
नख आयुध गिरि पादपधारी । चले गगन महि इच्छाचारी ॥
केहरिनाद भालु कपि करहीं । डगमगाहिं दिग्गज चिक्करहीं ॥५॥
Nakh aayudh giri paadapadhaaree Chale gagan mahi ichchhachaaree ।
Ke harinaad bhaalu kapi karahee Dagamagaahi diggaj chikkarahee ॥
(छंद)
चिक्करहिं दिग्गज डोल महि गिरि लोल सागर खरभरे ।
मन हरष सब गंधर्ब सुर मुनि नाग किंनर दुख टरे ॥
कटकटहिं मर्कट बिकट भट बहु कोटि कोटिन्ह धावहीं ।
जय राम प्रबल प्रताप कोसलनाथ गुन गन गावहीं ॥
Chikkarahi diggaj dol Mahi giri lol saagar kharabhare ।
Man harash sabh gandharb sur Muni naag kinnar dukh tare ॥
Katakatahi markat bikat bhat Bahu koti kotinh dhaavahee ।
Jay Raam prabal prataap Kosalnaath gun gan gaavahee ॥1॥
सहि सक न भार उदार अहिपति बार बारहिं मोहई ।
गह दसन पुनि पुनि कमठ पृष्ट कठोर सो किमि सोहई ॥
रघुबीर रुचिर प्रयान प्रस्थिति जानि परम सुहावनी ।
जनु कमठ खर्पर सर्पराज सो लिखत अबिचल पावनी ॥
Sahi sak na bhaar udaar Ahipati baar baarhi mohai ।
Gah dasan puni puni kamath Prushth kathor so kimi sohai ॥
Rabhubeer ruchir prayaan prasthiti Jaani param suhaavanee ।
Janu kamath kharpar sarparaaj so Likhat abichal paavanee ॥2॥
(दोहा)
एहि बिधि जाइ कृपानिधि उतरे सागर तीर ।
जहँ तहँ लागे खान फल भालु बिपुल कपि बीर ॥ ३५ ॥
Ehi bidhi jaai krupaanidhi utare saagar teer ।
Jah tah laage khaan fal bhaalu bipul kapi beer ॥