लंका पर हमला करने के लिए तैयारीयाँ शुरू

नाथ भगति अति सुखदायनी । देहु कृपा करि अनपायनी ॥
सुनि प्रभु परम सरल कपि बानी । एवमस्तु तब कहेउ भवानी ॥१॥

Naath bhagati ati sukhadaayanee Dehu krupa kari anapaayanee ।
Suni prabhu param saral kapi baanee Evamastu tab kaheu bhavaanee ॥

उमा राम सुभाउ जेहिं जाना । ताहि भजनु तजि भाव न आना ॥
यह संबाद जासु उर आवा । रघुपति चरन भगति सोइ पावा ॥२॥

Uma Raam subhaau jehi jaana Taahi bhajanu taji bhaav na aana ।
Yah sambaad jaasu ur aava Raghupati charan bhagati soi paava ॥

सुनि प्रभु बचन कहहिं कपि बृंदा । जय जय जय कृपाल सुखकंदा ॥
तब रघुपति कपिपतिहिं बोलावा । कहा चलैं कर करहु बनावा ॥३॥

Suni prabhu bachan kahahi kapibrunda Jay Jay Jay krupaal sukhkanda ।
Tab Raghupati kapipatihi bolaava Kaha chalai kar karahu banaava ॥

अब बिलंबु केहि कारन कीजे । तुरत कपिन्ह कहुँ आयसु दीजे ॥
कौतुक देखि सुमन बहु बरषी । नभ तें भवन चले सुर हरषी ॥४॥

Ab bilambu kehi kaaran keeje Turat kapinh kahu aayasu deeje ।
Kautuk dekhi suman bahu barashi Nabh te bhavan chale sur harashee ॥

(दोहा)
कपिपति बेगि बोलाए आए जूथप जूथ ।
नाना बरन अतुल बल बानर भालु बरूथ ॥ ३४ ॥

Kapipati begi bolaae aae juthap jooth ।
Naana baran atul bal baanar bhaalu barooth ॥