મુંને લહેર રે લાગી
By-Gujju13-05-2023
248 Views
![મુંને લહેર રે લાગી](https://gujjuplanet.com/app/themes/twentytwentyone-child-new/images/not-found.png)
મુંને લહેર રે લાગી
By Gujju13-05-2023
248 Views
મુંને લહેર રે લાગી હરિના નામની રે,
હું તો ટળી રે સંસારીયાના કામની રે … મુંને.
ચોટ લાગી તે ટાળી કદી નહીં ટળે રે,
ભલે કોટિ પ્રયત્ન દુર્જન કરે રે … મુંને.
હું તો બાવરી ફરું છું મારા હૃદયમાં રે,
મારી સૂરતી શામળિયાના પદમાં રે … મુંને
મહામંત્ર સુણાવ્યો મારા કાનમાં રે,
હું તો સમજી મોહનજીને સાનમાં રે … મુંને
મીરાંબાઈને ગુરુજી મળ્યા વાટમાં રે,
એણે છોડી દીધેલ રાજ પાટના રે … મુંને
– મીરાંબાઈ