श्रीराम की शरणागत वत्सलता 

सुनहु सखा निज कहउँ सुभाऊ । जान भुसुंडि संभु गिरिजाऊ ॥
जौं नर होइ चराचर द्रोही । आवौ सभय सरन तकि मोही ॥१॥

Sunahu sakha nij kahau subhau jaan Bhushundi Shambhu Girijau ।
Jau nar hoi charachar drohi avau sabhay saran taki mohee ॥

तजि मद मोह कपट छल नाना । करउँ सद्य तेहि साधु समाना ॥
जननी जनक बंधु सुत दारा । तनु धनु भवन सुहृद परिवारा ॥२॥

Taji mad moh kapat chhal naana karau sadya tehi saadhu samaana ।
Janani Janak bandhu soot daara tanu dhanu bhavan suhrad parivaara ॥

सब कै ममता ताग बटोरी । मम पद मनहि बाँध बरि डोरी ॥
समदरसी इच्छा कछु नाहीं । हरष सोक भय नहिं मन माहीं ॥३॥

Sab kai mamataa tag batori mam pad manhi baandh bari doree ।
Samdarshee icchha kachhu naahi harsa sok bhay nahi man maahee ॥

अस सज्जन मम उर बस कैसें । लोभी हृदयँ बसइ धनु जैसें ॥
तुम्ह सारिखे संत प्रिय मोरें । धरउँ देह नहिं आन निहोरें ॥४॥

Asa sajjan mam ura bas kaise lobhi hriday basai dhanu jaise ।
Tumh sarikhe sant priya more dharau deh nahi aan nihore ॥

(दोहा)
सगुन उपासक परहित निरत नीति दृढ़ नेम ।
ते नर प्रान समान मम जिन्ह कें द्विज पद प्रेम ॥ ४८ ॥

Sagun upaasak parahit nirat neeti dradh nem ।
Te nar praan samaan mam jinh ke dvij pad prem ॥