રણુજામાં થાય છે દિવા
માંડી મારા વીરના વિવા
રણુજામાં થાય છે દિવા
માંડી મારા વીરના વિવા
સગુણા કે જાવું માંળવા
માંડી મારા વીરના વિવા

હો લાસા લક્ષ્મીને બેની સગુણા
ત્રણે બહેનોથી નાનેરા વીરના
આયા મને સપના એવા
માંડી જાયા વીરના વિવા
રણુજામાં થાય છે દિવા
માંડી મારા વીરના વિવા

બહુ મથ્યા બેનીબા પણ સાસુડી ના માને
રૂદિયાની વાતો હવે કહેવી બીજા કોને
હોઢણી શણગારીને તો બેનીબા હાલ્યા
વચમા આવી ચોરટાએ બેનીબા ને લુંટ્યા

હે …પોકરણમાં પોઢ્યા આયા વીરને સપના
ઘોડલે ચડ્યા વીર ભાલો લઈને હાથમાં
રામદેવ હાલ્યા બેનને લેવા
માંડી જાયા વીરના વિવા
રણુજામાં થાય છે દિવા
માંડી મારા વીરના વિવા

પોકાર સુણીને પીર પહોંચ્યા પળવારમાં
મારતા ઘોડે રોમો આયા ઠલવટમાં
પળમાં આવી ચોરટાને પીરે રે પછાડ્યો
મુવેલો ભાણેજ સજીવન કર્યો

હે ….રંગે સંગે વીર પરણી રે ઉતર્યા
મનુ રબારી કે પરચા વાલે પૂરર્યા
ગોમમાં વહેચાઈ મીઠાઈ મેવા
વાળા મારા વીરના વિવા  
રણુજામાં થાય છે દિવા
માંડી મારા વીરના વિવા