Saraswati agree to play her part
By-Gujju01-05-2023
120 Views
![Saraswati agree to play her part](https://gujjuplanet.com/app/themes/twentytwentyone-child-new/images/not-found.png)
Saraswati agree to play her part
By Gujju01-05-2023
120 Views
देवों को योजना में सहायता करने सरस्वती तैयार
सुनि सुर बिनय ठाढ़ि पछिताती । भइउँ सरोज बिपिन हिमराती ॥
देखि देव पुनि कहहिं निहोरी । मातु तोहि नहिं थोरिउ खोरी ॥१॥
बिसमय हरष रहित रघुराऊ । तुम्ह जानहु सब राम प्रभाऊ ॥
जीव करम बस सुख दुख भागी । जाइअ अवध देव हित लागी ॥२॥
बार बार गहि चरन सँकोचौ । चली बिचारि बिबुध मति पोची ॥
ऊँच निवासु नीचि करतूती । देखि न सकहिं पराइ बिभूती ॥३॥
आगिल काजु बिचारि बहोरी । करहहिं चाह कुसल कबि मोरी ॥
हरषि हृदयँ दसरथ पुर आई । जनु ग्रह दसा दुसह दुखदाई ॥४॥
(दोहा)
नामु मंथरा मंदमति चेरी कैकेइ केरि ।
अजस पेटारी ताहि करि गई गिरा मति फेरि ॥ १२ ॥