સુંદરવર શણગાર કરીને, સિંહાસન પર શોભે રે;
હરિવર કેરૂં રૂપ જોઈને, મુનિવરનાં મન લોભે રે
સુંદરવર શણગાર કરીને…

છોગલિયાં ફૂલડાં કેરાં છાયાં, મોલીડાંને માથે રે;
ફોરે ભમરા મતવાલા થઈ, ડોલે સાથે સાથે રે
સુંદરવર શણગાર કરીને…

કાજુ ભાલ તિલક કેસરનું, રૂડું રંગ ભરેલું રે;
ભ્રકુટી નેણ નાસિકા ભાળી, તન કુરબાન કરેલું રે
સુંદરવર શણગાર કરીને…

ગોળ કપોલ કર્ણ શુભ કુંડળ, હરિનું મુખડું હસતું રે;
બ્રહ્માનંદ કહે તે જોઈને પળ, મન છેટે નથી ખસતું રે
સુંદરવર શણગાર કરીને…

સુંદરવર શણગાર કરીને, સિંહાસન પર શોભે રે;
હરિવર કેરૂં રૂપ જોઈને, મુનિવરનાં મન લોભે રે
સુંદરવર શણગાર કરીને…