વધતી જતી ગરમી અને આકરા તડકાથી લોકો પરેશાન થવા લાગ્યા છે. સૂર્યપ્રકાશ અને ગરમીના કારણે શરીરમાં પાણીની ઉણપ સર્જાય છે. વ્યક્તિને ઠંડા પીણા પીવાની ઈચ્છા હોય છે, આવી સ્થિતિમાં લોકો વારંવાર ઠંડા પીણા, સોફ્ટ ડ્રિન્ક્સ અથવા ફ્રીજનું પાણી પીવા લાગે છે. તેનાથી તમારા શરીરને થોડા સમય માટે ગરમીથી રાહત મળી શકે છે. પરંતુ આ પીણા સ્વાસ્થ્યને નુકસાન પહોંચાડી શકે છે.

આ કારણે જ ઉનાળાની ઋતુમાં શરીરને હાઇડ્રેટ રાખવા માટે તમારે ફળોમાંથી બનાવેલા જ્યૂસનું સેવન કરવું જોઈએ. ફળોનો રસ પીવાથી તમને પૂરતા પ્રમાણમાં વિટામિન્સ અને મિનરલ્સ મળશે. તેમજ ફળોનો રસ પીવાથી તમે ઉર્જાવાન અને તાજગી અનુભવશો. જો તમે નિયમિતપણે ફળોનો રસ પીવો છો તો તે તમને તડકા અને ગરમીથી રાહત આપી શકે છે. તો આવો જાણીએ ઉનાળામાં કયા ફળોનો રસ પીવો જોઈએ?

તરબૂચનો રસ

ઉનાળામાં તરબૂચનો રસ પીવો ખૂબ જ ફાયદાકારક સાબિત થઈ શકે છે. તરબૂચમાં પાણીનું પ્રમાણ ઘણું વધારે હોય છે. આથી તેને શરીર માટે હિલિંગ ફળ તરીકે પણ ઓળખવામાં આવે છે. દરરોજ તરબૂચનો રસ પીવાથી તમારું શરીર હાઇડ્રેટ રહેશે. ઉપરાંત તે તમને વજન ઘટાડવામાં મદદ કરશે. તરબૂચમાં પોટેશિયમ, મેગ્નેશિયમ અને એમિનો એસિડ જેવા પોષકતત્ત્વો રહેલા હોય છે. આ તમારા સંપૂર્ણ સ્વાસ્થ્યને સુધારશે. તમે દરરોજ સવારે ખાલી પેટે તરબૂચનો જ્યૂસ પી શકો છો. આના કારણે આખો દિવસ તમારા શરીરમાં પાણીની કમી નહીં રહે.

લીચીનો રસ

લીચી એ ઉનાળુ ફળ છે. લીચી વિટામિન્સ, મિનરલ્સ અને એન્ટિઓક્સીડેન્ટ્સનો ખૂબ જ સારો સ્ત્રોત છે. લીચી ખાવાથી શરીરની રોગપ્રતિકારક શક્તિ વધે છે. ઉપરાંત તે પાચનને પણ પ્રોત્સાહન આપે છે. લીચી બ્લડ પ્રેશરને કંટ્રોલમાં રાખે છે. બીજી તરફ જો તમે ઉનાળામાં લીચીનો રસ પીશો તો શરીરમાં પાણીની કમી નહીં થાય. લીચીનો રસ પીવાથી ત્વચામાં પણ સુધારો આવે છે. જો તમને ઉનાળામાં કંઈક મીઠી ખાવાની કે પીવાની ઈચ્છા હોય તો લીચીનો રસ પીવો ખૂબ જ ફાયદાકારક સાબિત થઈ શકે છે.

બેરીનો રસ

ઉનાળામાં બેરીનું સેવન કરવું ખૂબ જ ફાયદાકારક છે. તમે ઉનાળામાં બ્લુબેરી, બ્લેકબેરી જેવા ફળોનું સેવન કરી શકો છો. તમે સીધા બેરી ખાઈ શકો છો અથવા બેરીનો રસ પી શકો છો. ઉનાળામાં બેરીનો રસ પીવાથી શરીરની રોગપ્રતિકારક શક્તિ વધે છે. બેરીમાં પાણીનું પ્રમાણ વધુ હોય છે. આવી સ્થિતિમાં જો તમે બેરીનો જ્યૂસ પીશો તો તમારા શરીરમાં પાણીની કમી નહીં થાય. શરીરને હાઇડ્રેટેડ, ફ્રેસ અને ઊર્જાવાન રાખવા માટે તમે ઉનાળામાં દરરોજ બેરીનો રસ પી શકો છો.

અનાનસનો રસ

પાઈનેપલ એક રસાળ ફળ છે. ઉનાળાની ઋતુમાં જો તમે પાઈનેપલનો જ્યૂસ પીશો તો તમારા શરીરમાં પાણીની કમી નહીં સર્જાય. દરરોજ અનાનસનો રસ પીવાથી શરીર હાઇડ્રેટ રહેશે. સાથે જ તમારા શરીરમાં એનર્જી જળવાઈ રહેશે. તમે કોઈપણ સમયે અનાનસનો રસ પી શકો છો. પરંતુ જો તમે સવારે ખાલી પેટ પાઈનેપલ જ્યૂસ પીઓ છો તો તમે દિવસભર ફ્રેશ રહી શકો છો. પાઈનેપલ સ્વાદિષ્ટ હોવાની સાથે સાથે પૌષ્ટિક પણ છે. તેથી જો તમે ઇચ્છો તો તમે તેને તમારા આહારમાં ફળ ચાટ અથવા સ્મૂધીના રૂપમાં પણ સામેલ કરી શકો છો.

કેરીનો રસ

કેરી એ મોટાભાગના લોકોનું પ્રિય ફળ છે. કાળઝાળ ગરમીમાં જ્યારે કંઇક રસદાર ખાવાની ઇચ્છા થાય છે ત્યારે દરેકના હોઠ પર કેરી આવી જાય છે. બાય ધ વે કેરીને સીધી કાપીને ખાઈ શકાય છે, પરંતુ મોટાભાગના લોકોને મેંગો શેક અથવા જ્યૂસ પીવું ગમે છે. ઉનાળામાં કેરીનો રસ પીવો ખૂબ જ ફાયદાકારક છે. તેનાથી તમને વિટામિન્સ અને મિનરલ્સ પૂરતા પ્રમાણમાં મળશે. સાથે જ તમારા શરીરમાં પાણીની ઉણપ પણ દૂર થઈ જશે. ઉનાળામાં શરીરને ઉર્જાવાન રાખવા માટે કેરીનો રસ પીવો.

ઉનાળામાં શરીરને હાઈડ્રેટ રાખવા માટે તમે તરબૂચ, પાઈનેપલ, લીચી, બેરી અને કેરીનો રસ પી શકો છો. આ ફળોમાં પાણીનું પ્રમાણ વધુ હોય છે. આવી સ્થિતિમાં આ ફળોનો રસ પીવાથી તમારું શરીર હાઇડ્રેટ રહેશે.