श्रीराम की शरण में विभीषण को धन्यता का अनुभव 

तब लगि हृदयँ बसत खल नाना । लोभ मोह मच्छर मद माना ॥
जब लगि उर न बसत रघुनाथा । धरें चाप सायक कटि भाथा ॥१॥

Tab lagi hriday basat khal nana Lobh moh machchhar mad maana ॥
Jab lagi ur na basat Raghunaatha Dhare chaap saayak kati bhaatha ॥

ममता तरुन तमी अँधिआरी । राग द्वेष उलूक सुखकारी ॥
तब लगि बसति जीव मन माहीं । जब लगि प्रभु प्रताप रबि नाहीं ॥२॥

Mamata tarun tamee adhiaaree Raag dvesh ulook sukhakaaree ।
Tab lagi basati jeev man maahee Jab lagi prabhu prataap rabi naahee ॥

अब मैं कुसल मिटे भय भारे । देखि राम पद कमल तुम्हारे ॥
तुम्ह कृपाल जा पर अनुकूला । ताहि न ब्याप त्रिबिध भव सूला ॥३॥

Ab mai kusal mite bhay bhaare Dekhi Raam pad kamal tumhaare ।
Tumh krupaal jaa par anukoola Taahi na byaap tribidh bhav soola ॥

मैं निसिचर अति अधम सुभाऊ । सुभ आचरनु कीन्ह नहिं काऊ ॥
जासु रूप मुनि ध्यान न आवा । तेहिं प्रभु हरषि हृदयँ मोहि लावा ॥४॥

Mai nisichar ati adham subhaaoo Subh aacharanu keenh nahi kaaoo ।
Jaasu roop muni dhyaan na aava Tehi prabhu harashi hriday mohi lava ॥

(दोहा)
अहोभाग्य मम अमित अति राम कृपा सुख पुंज ।
देखेउँ नयन बिरंचि सिव सेब्य जुगल पद कंज ॥ ४७ ॥

Ahobhaagya mama amit ati Ram krupa sukha poonj ।
Dekheu nayan biranchi Shiva sevya jugal pada kanj