છોડી ને મૈયર
છોડી ને મૈયર બેની ચાલી રે સાસરિયે
વીરા જોજે આંશુ ના આવે બાપની આંખડીયે
ચાલી હતી જ્યાં હું પા પા પગલીયે
વિદાયની વેળા આવી આજે આંગણિયે
વિદાયની વેળા આવી આજે આંગણિયે

હો પારકાને પોતાના કરવા તું ચાલી
બેની રે વિનાનું ઘર લાગશે ખાલી
ખુશ રાખે તારો તને ભરથાર
વિદાયની વેળા આવી આજે આંગણિયે

હો મારા આંગણીયાની તુજ તુલસી
આબરૂ તું મારા કુળની
આંબલી પીપળી ઢીંગલો ઢીંગલી
હસતી રમતી હું લાડકી
પંખી વિનાનો
હો પંખી વિનાનો સુનો થાશે આ માળો
તું દીકરી થઇ મળી આભાર તારો
માવતરની લેજે તું સંભાળ
બાંધી મેં ખુસીયો હાથની રાખડીયે
વીરા જોજે આંશુ ના આવે બાપની આંખડીયે
વિદાયની વેળા આવી આજે આંગણિયે

હો મંગળ ફેરા આજ ફરતી આશિષ આપું વાલથી
હૈયે હરખ તોઈ આંખો છલકતી
પારકી થઇ લાડકી
હો કાળજાના કટકા
કાળજાના કટકા  ખુશ તુ રેજે
યાદો તારી હૈયા માં રેશ
સાસરિયે વરસાવજે તું વાલ
વીરા જોજે આંશુ ના આવે બાપની આંખડીયે
વિદાયની વેળા આવી આજે આંગણિયે
વિદાયની વેળા આવી આજે આંગણિયે
હો વિદાયની વેળા આવી આજે આંગણિયે