ઝૂલે ઝૂલે છે ગબ્બરની માત અંબા ઝૂલે છે
ઝૂલે ઝૂલે છે ગબ્બરની માત અંબા ઝૂલે છે
માને ઝૂલે તે ઝૂલવાની હોંશ ઘણી
ભક્તો ઝૂલાવે ખમ્મા મા ખમ્મા કહી
ભક્તો ગાયે ને મા ખુશ થાય અંબા ઝૂલે છે
ઝૂલે ઝૂલે છે ગબ્બરની…

માના સોના-હીંડોળે રત્નો જડ્યાં
જુલે સાચાં મોતીના તોરણ મઢ્યા
મહીં ઝળકે છે તેજ અપાર, અંબા ઝૂલે છે
ઝૂલે ઝૂલે છે ગબ્બરની…

માએ સોળ આભૂષણ અંગે ધર્યાં
ભાલે કેસર કંકુનાના અર્ચન કર્યાં
હાથે ખડગને  ત્રિશુલ સોહાય, અંબા ઝૂલે છે
ઝૂલે ઝૂલે છે ગબ્બરની…

માને તેજે ભાનુ દેવ ઝાંખા પડે
માંડી બોલેને મુખડેથી ફૂલડાં ઝરે
વરસે વરસે કુમકુમનો વરસાદ, અંબા ઝૂલે છે
ઝૂલે ઝૂલે છે ગબ્બરની…