આપજો આપજો સારું સઘળું
By-Gujju20-05-2023
197 Views
![આપજો આપજો સારું સઘળું](https://gujjuplanet.com/app/themes/twentytwentyone-child-new/images/not-found.png)
આપજો આપજો સારું સઘળું
By Gujju20-05-2023
197 Views
આપજો આપજો સારું સઘળું મને,
હે પ્રભુ, આજ આખા દિવસમાં;
બાળ ગણી વ્હાલ મારા ઉપર આણજો,
જેથી હું રહું બધો દિવસ સુખમાં.
આપજો આપજો સદગુણો આપજો,
આપજો વળી બહુ શુભ વિચારો;
આપજો આપજો આપની ભક્તિને,
આપજો વળી મને સંગ સારો.
આપજો આપજો મીઠી વાણી મને,
રાખજો મારું મન ખૂબ રાજી;
સૌનું હું કામ કરું એવું બળ આપજો,
સૌની સેવા કરું, જેથી ઝાઝી.
સૌથી બહુ આપજો આપ પ્રભુની કૃપા,
જેથી મળશે મને જે હું માગું;
માગ્યું નથી સારું જે તેહ પણ આપજો,
એટલું બોલી હું પાય લાગું.
– શ્રીમદ ઉપેન્દ્ર