ભદ્રાસન
By-Gujju12-05-2023
287 Views
![ભદ્રાસન](https://gujjuplanet.com/app/themes/twentytwentyone-child-new/images/not-found.png)
ભદ્રાસન
By Gujju12-05-2023
287 Views
ભદ્રાસન :
ભદ્ર એટલે મંગલ અને ભદ્રાસન એટલે મંગલપ્રદ આસન. આજકાલ મોટા ભાગના લોકોની એ સમસ્યા હોય છે કે તેમનું મન દરેક જગ્યાએ લાગતું નથી. મોટા ભાગે વિદ્યાર્થીઓને આ પ્રશ્ન ખૂબ મૂંઝવતો હોય છે. અભ્યાસની સાથે તેમનું ધ્યાન કોઈ બીજી જગ્યાએ હોય છે. અભ્યાસ બાદ પણ તેમને કંઈ યાદ નથી રહેતું. તેમનામાં એકાગ્રતાનો અભાવ જોવા મળે છે. ભદ્રાસન એ એકાગ્રતા વધારવા માટેનું એક ઉત્તમ આસન છે. વિદ્યાર્થીઓ માટે આ આસન ખૂબ જ લાભદાયી છે.
મૂળ સ્થિતિ : આસન પર લાંબા પગ કરીને બેસો.
- આસન પર લાંબા પગ કરીને બેસો.
- બંને પગના પંજાને હાથથી જેમ નમસ્કાર કરીએ છીએ તેમ સામસામે મૂકો.
- પગ ઘૂંટણમાંથી વળેલા રહેશે. શ્વાસ લેતાં લેતાં ડાબા ઘૂંટણ જમીનને અડકવા જોઈએ.
- શરીરનું વજન એડીઓ ઉપર આવે તે રીતે બેસો.
- બંને હાથની આંગળીઓ એકબીજામાં પરોવી પગના પંજાને નીચે લઈ જઈ હાથથી પગના પંજાને મજબૂતીથી પકડો.
- હવે બંને પગને ધીમે ધીમે શરીરની નજીક લાવો.
- છાતી બહાર આવે તેમ શરીરને સીધું કરી બંને ઘૂંટણને જમીન સાથે દબાવો.
- શરીર તદ્દ્ન સીધું અને શ્વાસોચ્છવાસ્ સામાન્ય રીતે ચાલું રાખો. આંખો બંધ રાખવી.
- થોડીવાર આ સ્થિતિમાં રહ્યા પછી ધીમે ધીમે મૂળ સ્થિતિમાં પરત આવવું.
- આ આસન રોગની સ્થિતિમાં ન કરવું.
- આંચકા આપ્યા સિવાય આ આસન કરવું.
- ધીમે-ધીમે સમય વધારતા જવું.
- આંખો બંધ રાખી મનને સ્થિર કરવાનો પ્રયત્ન કરવો.
- પગના બધા સાંધા તથા સ્નાયુઓ સુદ્રઢ બને છે.
- જનનેન્દ્રીય અને ઉત્સર્ગતંત્ર તંદુરસ્ત બનતાં મૂત્ર દ્વારા ધાતુક્ષય, ગર્ભાશય, શુક્રગ્રંથિઓ, પુરુષાતન ગ્રંથિની દુર્બળતા દૂર થાય છે.
- સ્ત્રીઓનો અનિયમિત ઋતુસ્ત્રાવ નિયમિત બને છે.
- સ્વપ્નદોષમાં આશિર્વાદરૂપ નિવડે છે.
- સાથળના અંદરના ભાગની ચરબી ઘટાડે છે.
- હરસ, મસા, ભગંદરની સારવાર માટે અસરકારક છે.
- વાયુ ઊર્ધ્વગામી થવાથી જઠરાગ્નિ પ્રદીપ્ત થાય છે.
- સંકલ્પબળ વધે છે તેમજ બુદ્ધિ તીક્ષ્ણ બને છે.
- આ આસનથી ક્ષય, હદયરોગ, અનિદ્રા, દમ, મૂર્છારોગ, આત્રપૂચ્છ, જળોદર, ઉદરરોગ વગેરે રોગોમાં લાભ થાય છે.
- વિદ્યાર્થીઓ માટે ખૂબ જ લાભદાયી કારણ કે આ આસન મનની એકાગ્રતા વધારે છે.
- આ આસનથી કલ્પનાશક્તિનો વિકાસ થાય છે. ચંચળતા ઓછી થાય છે.
- તેનાથી શારિરીક તંદુરસ્તી વધે છે.
- આ આસન કરવાથી ભૂખ વધે છે.
- ફેફસા માટે આ આસન ખૂબ લાભદાયી છે.