सीता के समाचार से श्रीराम व्यथित

सुनि सीता दुख प्रभु सुख अयना । भरि आए जल राजिव नयना ॥
बचन कायँ मन मम गति जाही । सपनेहुँ बूझिअ बिपति कि ताही ॥१॥

Suni Sita dookh prabhu sukh ayana Bhari aae jal raajiv nayana ।
Bachan kaay man mam gati jaahee Sapanehu boozia bipati ki taahee ॥

कह हनुमंत बिपति प्रभु सोई । जब तव सुमिरन भजन न होई ॥
केतिक बात प्रभु जातुधान की । रिपुहि जीति आनिबी जानकी ॥२॥

Kah Hanumant bipati prabhu soi Jab tav sumiran bhajan na hoi ।
Ketik baat prabu jaatudhaan kee Ripuhi jeeti aanibee jaankee ॥

सुनु कपि तोहि समान उपकारी । नहिं कोउ सुर नर मुनि तनुधारी ॥
प्रति उपकार करौं का तोरा । सनमुख होइ न सकत मन मोरा ॥३॥

Sunu kapi tohi samaan upakaaree Nahi kou sur nar muni tanudhaaree ।
Prati upakaar karau kaa tora Sanmukh hoi na sakat man mora ॥

सुनु सत तोहि उरिन मैं नाहीं । देखेउँ करि बिचार मन माहीं ॥
पुनि पुनि कपिहि चितव सुरत्राता । लोचन नीर पुलक अति गाता ॥४॥

Sunu sut tohi urin mai naahee Dekheu kari bichaar man maahee ।
Puni puni kapihi chitav surtraata Lochan neer pulak ati gaata ॥

(दोहा)
सुनि प्रभु बचन बिलोकि मुख गात हरषि हनुमंत ।
चरन परेउ प्रेमाकुल त्राहि त्राहि भगवंत ॥ ३२ ॥

Suni prabhu bachan biloki mukh gaat harashi Hanumant ।
Charan pareu premaakul traahi traahi bhagavant ॥