अशोकवन में हनुमानजी ने रावण और सीता का संवाद सुना

तरु पल्लव महुँ रहा लुकाई । करइ बिचार करौं का भाई ॥
तेहि अवसर रावनु तहँ आवा । संग नारि बहु किएँ बनावा ॥१॥

Taru pallav mahu rahaa lukaai Karai bichaar karau kaa bhai ।
Tehi avasar Raavanu tah aava Sang naari bahu kie banaava ॥

बहु बिधि खल सीतहि समुझावा । साम दान भय भेद देखावा ॥
कह रावनु सुनु सुमुखि सयानी । मंदोदरी आदि सब रानी ॥२॥

Bahu bidhi khal Sitahi samuzaava Saam daam bhay bhed dekhaava ।
Kah Ravanu sunu sumukhi sayaanee Mandodari aadi sab raanee ॥

तव अनुचरीं करेउँ पन मोरा । एक बार बिलोकु मम ओरा ॥
तृन धरि ओट कहति बैदेही । सुमिरि अवधपति परम सनेही ॥३॥

Tav anucharee karau pan mora Ek baar bilku mam ora ।
Trun dhari ot kahati baidehee Sumiri avadhapati param sanehe ॥

सुनु दसमुख खद्योत प्रकासा । कबहुँ कि नलिनी करइ बिकासा ॥
अस मन समुझु कहति जानकी । खल सुधि नहिं रघुबीर बान की ॥४॥

Sunu dasamukh khadyot prakasa Kabahu ki nalinee karai bikaasa ॥
As man samuzu kahati Jaanakee Khal sudhi nahi Rabhubeer baan kee ॥

सठ सूनें हरि आनेहि मोही । अधम निलज्ज लाज नहिं तोही ॥५॥

Sath soone hari aanehi mohee Adham nilajj laaj nahi tohee ॥

(दोहा)
आपुहि सुनि खद्योत सम रामहि भानु समान ।
परुष बचन सुनि काढ़ि असि बोला अति खिसिआन ॥ ९ ॥

Aapuhi suni khadyot sam Ramahi bhaanu samaan ।
Parush bachan suni kaadhi asi bola ati khisiaan ॥