रावण ने सीता को एक मास की मुदत दी

सीता तैं मम कृत अपमाना । कटिहउँ तब सिर कठिन कृपाना ॥
नाहिं त सपदि मानु मम बानी । सुमुखि होति न त जीवन हानी ॥१॥

Sita tai mam krut apamaanaa Katihau tav sir kathin krupaanaa ।
Naahi ta sapadi maanu mam baanee Sumukhi hoti na ta jeevan haanee ॥

स्याम सरोज दाम सम सुंदर । प्रभु भुज करि कर सम दसकंदर ॥
सो भुज कंठ कि तव असि घोरा । सुनु सठ अस प्रवान पन मोरा ॥२॥

Syaam saroj daam sam sundar Prabhu bhuj kari kar sam dasakandhar ।
So bhuj kanth ki tav asi ghora Sunu sath as pravaan pan mora ॥

चंद्रहास हरु मम परितापं । रघुपति बिरह अनल संजातं ॥
सीतल निसित बहसि बर धारा । कह सीता हरु मम दुख भारा ॥३॥

Chandrahaas haru mam paritaapam Rathupati birah anal sanjaatam ।
Sital nisit bahasi bar dhaara Kah Sita haru mam dukh bhaara ॥

सुनत बचन पुनि मारन धावा । मयतनयाँ कहि नीति बुझावा ॥
कहेसि सकल निसिचरिन्ह बोलाई । सीतहि बहु बिधि त्रासहु जाई ॥४॥

Sunat bachan puni maaran dhaava Mayatanaya kahi neeti buzaava ।
Kahsi sakal nisicharanhi bolaai Sitahi bahu bidhi traasahu jaai ॥

मास दिवस महुँ कहा न माना । तौ मैं मारबि काढ़ि कृपाना ॥५॥
Maas divas mahu kahaa na maana Tau mai maarabi kaadhi krupaana ॥

(दोहा)  
भवन गयउ दसकंधर इहाँ पिसाचिनि बृंद ।
सीतहि त्रास देखावहिं धरहिं रूप बहु मंद ॥ १० ॥

Bhavan gayau daskandhar iha pisaachini brund ।
Sitahi traas dekhaavahi dharahi roop bahu mand॥