समुद्र लांघने के लिए हनुमानजी ने लगाई छलांग

जामवंत के बचन सुहाए  । सुनि हनुमंत हृदय अति भाए ॥
तब लगि मोहि परिखेहु तुम्ह भाई  । सहि दुख कंद मूल फल खाई ॥१॥

Jaamavant ke bachan suhaae, Suni Hanumant hriday ati bhaaye ।
Tab lagi mohi parikhehu tumh bhaai, Sahi dukh kand mool phal khaai ॥

जब लगि आवौं सीतहि देखी  । होइहि काजु मोहि हरष बिसेषी ॥
यह कह नाइ सबन्हि कहुँ माथा  । चलेउ हरषि हियँ धरि रघुनाथा ॥२॥

Jab lagi aavau Sitahi dekhi, Hoihi kaaju mohi harash biseshee ।
Yah kahi naai sabanhi kahu maatha, Chaleu harashi hiy dhari Rathunaatha ॥

सिंधु तीर एक भूधर सुंदर  । कौतुक कूदि चढ़ेउ ता ऊपर ॥
बार बार रघुबीर सँभारी  । तरकेउ पवनतनय बल भारी ॥३॥

Sindhu teer ek bhoodhar sundar, Kautuk kudi chadheu taa oopar ।
Baar baar Raghubeer sambhaari, Tarakeu pavanatanay bal bhaari ॥

जेहिं गिरि चरन देइ हनुमंता  । चलेउ सो गा पाताल तुरंता ॥
जिमि अमोघ रघुपति कर बाना  । एही भाँति चलेउ हनुमाना ॥४॥

Jehi giri charan dei Hanumanta, Chaleu so gaa paataal turanta ।
Jimi amogh Raghupati kar baana, Ehi bhaanti chaleu Hanumaana ॥

जलनिधि रघुपति दूत बिचारी  । तैं मैनाक होहि श्रमहारी ॥५॥

Jalanidhi Raghupati doot bichaari । Te mainaak hohi shramahaari ॥

(दोहा)
हनुमान तेहि परसा कर पुनि कीन्ह प्रनाम  ।
राम काजु कीन्हें बिनु मोहि कहाँ विश्राम ॥ १ ॥

Hanumaan tehi parasa kar puni keenh pranaam ।
Raam kaaju keenhe binu mohi kahaa bishraam ॥