હરિ તારા નામ છે હજાર
ક્યાં  નામે લખવી કંકોત્રી
રોજ રોજ બદલે મુકામ
ક્યાં ગામે લખવી કંકોત્રી
હરિ તારા નામ છે હજાર…     

કોઈ તને રામ કહે
કોઈ તને શ્યામ કહે
કોઈ કહે નંદનો કિશોર
ક્યાં ગામે લખવી કંકોત્રી
હરિ તારા નામ છે હજાર…

મથુરામાં મોહન ને
ગોકુળમાં ગોવાળીયો
દ્વારિકામાં રાય રણછોડ
કયા નામે લખવી કંકોત્રી
ક્યાં ગામે લખવી કંકોત્રી
હરિ તારા નામ છે હજાર…

નરસિંહ મેહતાના
સ્વામી શામળીય
મીંરાના  ગિરિધર ગોપાલ
ક્યાં ગામે લખવી કંકોત્રી
હરિ તારા નામ છે હજાર…

ભક્તોની રાખે ટેક
રૂપ ધર્યા તે અનેક
અંતે તો એકનો એક
ક્યાં ગામે લખવી કંકોત્રી
હરિ તારા નામ છે હજાર…

હરિ તારા નામ છે હજાર
ક્યાં  નામે લખવી કંકોત્રી
રોજ રોજ બદલે મુકામ
ક્યાં ગામે લખવી કંકોત્રી
હરિ તારા નામ છે હજાર…