Thursday, 30 May, 2024

ઝીલવો જ હોય તો રસ

161 Views
Share :
ઝીલવો જ હોય તો રસ

ઝીલવો જ હોય તો રસ

161 Views

ઝીલવો જ હોય તો રસ ઝીલી લેજો પાનબાઈ,
પછી પસ્તાવો થાશે રે;
અગમ અગોચર રસનું નામ છે,
એ તો પુરણ અધિકારીને ઠેરાશે … ઝીલવો જ હોય

માન રે મેલ્યા પછી રસ તમને મળશે પાનબાઈ!
જુઓને વિચારી તમે મનમાં રે,
દૃશ્ય પદારથ નથી રે’વાના પાનબાઈ,
સુણો ચિત્ત દઈને વચનમાં રે… ઝીલવો જ હોય.

આ તો ગુંજાનો લાડવો પાનબાઈ,
અહંભાવ ગયા વિના ન ખવાય રે.
કોટિ જનમની મટાડો ઝંખના ત્યારે,
જાતિ રે પણું વયું જાય … ઝીલવો જ હોય.

દૃષ્ટિ રાખો ગુપત ચાખો પાનબાઈ,
તો તો સહેજે આનંદ વરતાય રે,
ગંગા સતી એમ બોલિયાં રે પાનબાઈ,
આપમાં આપ મળી જાય … ઝીલવો જ હોય.

– ગંગા સતી

 

Share :

Leave a comment

Your email address will not be published. Required fields are marked *