હવે મારી રાતોનો ચાંદ રે નથી
કોને કરૂં જે વાત મનમાં હતી

હવે મારી રાતોનો ચાંદ રે નથી
કોને કરૂં જે વાત મનમાં હતી
મનની વાતો તો મનમાંજ રહી ગઈ
ઉગે ના સુરજ કોઈ દી એવી રાત થઇ ગઈ
કેમ કરી જીવશું જો સાથ હવે તું નથી
તું તો મારી જિંદગી હતી
મારી કિસ્મતમાં તું નથી
તું નથી તો આ જિંદગી નથી
મારી કિસ્મતમાં તું નથી
તું નથી તો આ જિંદગી નથી

તું જો દૂર છે ને મુજથી રે આજે
તુજ બીન જગ સુનું સુનું રે લાગે
તું જો કિસ્મત મુજમાં રે હતી
ભવોભવ ખુદને લખું તારી સાથી

દૂર રે રહીને હવે કેમ રે જીવશે
આગના દરિયામાં કેમ રે તરાશે
હાથ તારો હાથમાં નથી
મારી કિસ્મતમાં તું નથી
તું નથી તો આ જિંદગી નથી
મારી કિસ્મતમાં તું નથી
તું નથી તો આ જિંદગી નથી

હું તો રોઝ હવે જીવું છું પરાણે
જોવું છું રાહ તારી ક્યારે તું આવે
લઈશું કોનો હવે જીવવાનો આરો
કમ છે શ્વાસ હવે જલ્દીથી આવો

ઓરતા અધુરા દિલના રહી જશે
જાણીને ઝેર હવે કેમ રે પિવાશે
સાથ તારો રાહમાં નથી
મારી કિસ્મતમાં તું નથી
તું નથી તો આ જિંદગી નથી
મારી કિસ્મતમાં તું નથી
તું નથી તો આ જિંદગી નથી