લંબે લંબે ઘૂંઘટે મૈયારણ કેર અચી રે,
એંજો ચોટલો કાળો નાગ મોકે મોયની લગી રે.
લંબે લંબે ઘૂંઘટે…

એંજે હથ જેડા ચૂડા મોકે હથકે ખપે રે,
માથે મોતીજો શણગાર મોકે મોયની લગી રે.
લંબે લંબે ઘૂંઘટે…

એંજે પગ જેડા ઝાંઝર મોકે પગકે ખપે રે,
માથે ઘૂઘરીજો શણગાર મોકે મોયની લગી રે.
લંબે લંબે ઘૂંઘટે…

એંજે કન જેડા એરિંગ મોકે કનકે ખપે રે,
માથે સોનેજો શણગાર મોકે મોયની લગી રે.
લંબે લંબે ઘૂંઘટે…

એંજે નક જેડી નથણી મોકે નકકે ખપે રે,
એંજે નકમેં ઝોલાં ખાય મોકે મોયની લગી રે.
લંબે લંબે ઘૂંઘટે…